VOV4.Bahnar - Phó Thủ tướng Lê Minh Khái ‘nao kĭ tơ drong tơ chơ̆t găh asong tŏk iŏk jên hăm hŏk tro, sinh viên đei tơ drong arih xa mơ mat tat vă răt kơ măy tinh, kơ măy pơ yoa ăn hŏk trư̆k tuyê̆n. Tơ drong tơ chơ̆t chih hơ dăh, hŏk tro, sinh viên athei pơm lăp hăm dôm tơ drong asong tŏk iŏk jên thoi âu: Mă 1, jĭ bơ ngai lơ̆m unh hnam găh dôm grŭp: unh hnam tơ nuh, unh hnam vă jê̆ tơ nuh, unh hnam đei tơ drong arih xa lăp ai kiơ̆ tơ drong hơ găt đơ̆ng luơ̆t dăh mă unh hnam đei tơ drong arih xa mơ mat tat yoa đơ̆ng jĭ COVID-19 (đei mĕ dăh mă mĕ ƀă lôch yoa jĭ COVID-19).

Mă 2, ưh đei kơ măy tinh, kơ măy pơm lăp hăm tơ drong hŏk pơ hrăm trư̆k tuyê̆n păng tam mă đei xa yoa tơ drong tơ gŭm kơ măy tinh, kơ măy hŏk pơ hrăm trư̆k tuyê̆n yơ. Kơ sô̆ jên asong tŏk iŏk tôch ai 10 triu ăn 1 ‘nu hŏk tro, sinh viên. Khei ‘năr asong tŏk iŏk tôch ai 36 khei. Jên kon ‘nŏh 1,2% 1 sơ năm. Jên kon mưh hre đunh hlŏh khei ‘năr hơ găt đei jô̆ dang ăi hăm jên kon asong unh hnam tơ nuh tŏk iŏk. Tơ drong tơ chơ̆t đei yoa đơ̆ng ‘năr 4/4/2022.

Dơ̆ng: Tơ blơ̆