Pơgê năr 3/2, tơ̆ Hơnih bơ̆ jang Kơdră chĕp pơgơ̆r Teh đak, Hơnih bơ̆ jang ăn Kơdră chep pơgơ̆r Teh đak pơgơ̆r hop akŏm tơbăt ăn khul chih kơtơ̆ng ang găh Nơ̆r tơchơ̆t đơ̆ng Kơdră chĕp pơgơ̆r Teh đak dang ei tơbăt hơdăh Khôi luơ̆t Khăm, ming hơmet jĭ ‘nao đei Kuô̆k hô̆i jăl XV, ‘Măng hop akŏm mă 2 pơdrơ̆ng kiơ̆ păng tơlĕch jang kiơ̆ đơ̆ng năr 1/1/2024. 

Khôi luơ̆t khăm, ming hơmet jĭ đei 12 chăl păng 121 apăng, lơ̆m au đei tơchơ̆t dôm trong jang ‘nao: Găh atŏk bơ̆ jang ‘lơ̆ng kơ hơnih jang khăm, ming hơmet jĭ jăn, Khôi luơ̆t tơmơ̆t dơ̆ng tơchơ̆t, rim hơnih kăl hơlen kơdih tơdrong bơ̆ jang khăm, hơmet jĭ kiơ̆ tơdrong pơkăp ‘lơ̆ng kơ yuơ Dơnŏ anih tơm vei lăng bơ̆ jang pơgang tơlĕch ăn kiơ̆ rim sơnăm păng chih tơbăt hơdăh dôm tơdrong hơlen au lơ̆m Kmăi kmŏk kơtơ̆ng ang găh vei lăng bơ̆ jang khăm, ming hơmet jĭ jăn vă pơm kơnăr ăn tơdrong bơ̆ jang dăr lăng, lăng hơlen adoi nhen tơƀôh tơbăt hơdăh dôm tơdrong bơ̆ jang ‘lơ̆ng kơnê̆ lơ liơ kơ rim hơnih jang pơgang khăm ming hơmet jĭ jăn.