Lơ̆m au, Tơdrong jang “Khei Pêng tơring sơlam Teh đak” kơ Trung ương tơ̆ 3 dêh char Lạng Sơn, Quảng Trị păng Kiên Giang. Lơ tơmam drăm đei Khul chĕp pơgơ̆r pôk ăn khul Ƀô̆ đô̆i vei lăng sơlam teh đak, kon pơlei păng đe hơdruh tơdăm hơ iŏh rim tơring sơlam teh đak 3 dêh char Lạng Sơn, Kiên Giang, Quảng Trị nhen: pôk tơmam drăm ăn ŭnh nam đei iŏk yua ăn teh đak păng hŏk tro tơnap tap, tơgŭm kram ăn trong jang “Pơtăm kram vei lăng sơlam teh đak Việt”.

Mă kăl, tơlĕch jang rim tơdrong jang kơjă kơjên hloh 7 ti 200 triu hlak jên. Hơdrô̆ tơ̆ dêh char Lạng Sơn, rim tơdrong jang lăng ba dôm bơngai đei iok yua ăn teh đak, tơlĕch jang lơ tơdrong jang kơ hơdruh tơdăm hăm kơjă kơjên 4 ti 700 triu hlak jên. Mĭnh lơ̆m dôm tơdrong jang đei kon pơlei chơt hơ iă vang năm ‘nŏh bơ̆ jang khăm, pơtho tơbăt,ƀơk pơgang ăn 500 ‘nu kon pơlei păng hơdruh tơdăm hơ iŏh ŭnh hnam tơnap tap tơ̆ ‘Măng sơlam teh đak Chi Ma, Lạng Sơn.