VOV4.Bahnar – Tơgu\m bơngai đei ko\ng hăm kăch mạng jing trong jang kăp g^t tơ[ôh đon bơnôh “Nhă đak [lo\k kơ tu” đơ\ng Ðảng, Khul kơpal the đak hăm dôm bơngai hlôi plang jơhngơ\m ăn tơdrong jang kăch mạng. Jo# đơ\ng mă {ok Kơdră Hồ Chí Minh io\k năr 27/7 pơm năr Linh j^ rơka – Linh lôch do\ng teh đak, 75 xơnăm kơ âu, tơdrong pơkăp khôi lươ\t, pơkăp tơgu\m hăm bơngai đei ko\ng đei tơle\ch jang tôm tong, ưh adro# tơ[ôh tơdrong tơgu\m kăp g^t đơ\ng Đảng, Khul kơpal teh đak hăm bơngai đei ko\ng mă oei tơgop kăp g^t lơ\m vei xơđơ\ng pơyua ăn tơpôl, hơto\k tơ kơjăp xơđơ\ng ăn teh đak.

Hăm tơdrong pơkăp tơgu\m ăn bơngai đei ko\ng roi năr roi đei keh đang păng đei tôm anih jang ch^nh tr^ vang jang hrơ\p minh, tơdrong jang vei lăng bơngai đei ko\ng đei tơplih kơtang, pơjing tơdrong jang [lo\k tơbăt pôk bơnê lang xă, đơ\ng Trung ương truh dôm pơlei pơla, kueng [ôt. Truh dang ei, ja#p teh đak xơkơ\t đei hloh 9,2 tr^u ‘nu bơngai đei ko\ng, lơ\m noh đei hloh 1,3 tr^u ‘nu bơngai đei xa yua jên tơgu\m rim khei. Rim xơnăm xêk axong tơgu\m minh ‘măng ăn 6 truh 8 rơbâu ‘nu, hơ ‘nhăk hloh 580 rơbâu ‘nu đei ko\ng năm pơdơh kiơ\ pơkăp păng tơgu\m pơtho pơhrrăm ăn pơhlom 40 rơbâu ‘nu bơngai. Pơkăp tơgu\m ăn bơngai đei ko\ng đei hơmet hơto\k tro\ hăm tơdrong hơto\k jên khei tơ\ tơring.

Kiơ\ Tơchơ\t kơso# 75, năr 24/7/2021 đơ\ng Khul Kơpal teh đak, pơkăp tơdrong tơgu\m păng dôm tơdrong tơre\k nai ăn bơngai tơgu\m jơhngơ\m hăm kăch mạng hlôi hơmet hơto\k tơdrong tơgu\m hăm dôm bơngai mă teh đak tơchơ\t tơgu\m, hăm jên hơto\k pơhlom 800 tih hlj vă hơmet axong pơhlom 10 pơkăp ‘nao ăn bơngai đei ko\ng păng ‘nho\ng oh đe ye\t nhen:  Tơgu\m xoi [lo\k ăn linh lôch do\ng teh đak đei hơmet to\k đơ\ng 500.000 hlj truh 1.400.000 hlj hăm 1 ‘nu linh lôch do\ng teh đak lơ\m 1 xơnăm; tơdrong rong ‘me tơ\ unh hnam đei hơmet to\k đơ\ng 1.110.000 truh 1.461.600 hăm 1 ‘nu linh lôch do\ng teh đak lơ\m 1 xơnăm; tơdrong hơmet j^ jăn ako\m adoi đei hơmet to\k đơ\ng 2.200.000 truh 2.923.200 hlj hăm 1 ‘nu linh lôch do\ng teh đak lơ\m 1 xơnăm... {ok Châu Văn Đa, Kơdră Anih jang găh bơngai đei ko\ng, kơ Anih Axong jang Linh j^ rơka păng Tơpôl dêh char Trà Vinh tơroi: - Pơm kiơ\ pơkăp tơgu\m hăm bơngai đei ko\ng noh Trà Vinh dang ei oei vei lăng je# 65 rơbâu ‘nu đei ko\ng, lơ\m noh đei hloh 19 rơbâu linh lôch do\ng teh đak, păng linh j^ rơka noh hloh 11 rơbâu ‘nu păng dôm bơngai nai. Dang ei, Trà Vinh to\k bo\k tơgu\m ăn 12 rơbâu ‘nu, kla jên tơgu\m rim khei kiơ\ pơkăp hăm bơngai tơgu\m jơhngơ\m hăm kăch mạng. Dang ei, kiơ\ tơchơ\t, Anih Axong jang Linh j^ rơka păng Tơpôl  pơtrruh jên ăn dôm tơring kla đơ\ng năr 1 truh năr 10 păng mă 2 tơdrong kla jên đei kla kiơ\ [ưu đie#n păng tơle\ch kla keh đang adrol kơ năr 10 rim khei.

Yă Hồ Thị Châu Loan, Pho\ Kơdră Anih Axong jang Linh j^ rơka păng Tơpôl dêh char Nghệ An ăn tơbăt, dêh char dang ei đei hloh 68 rơbâu ‘nu bơngai đei ko\ng, dơ\ng mă 3 lơ\m ja#p teh đak. Rim khei jên mong teh đak kla tơgu\m ăn bơngai đei ko\ng hloh 136 tih hlj: “Rim xơnăm truh năr 27/7, dêh char duh tơle\ch dômt ơdrong pơgơ\r tơbăt ‘Năr linh j^ rơka linh lôch do\ng teh đak lơ\m ja#p dêh char kăp g^t hloh. Mă jing dêh char oei lơ tơnap tap, hăm bơngai tơgu\m jơhngơ\m tih tên, mă lei nhôn hơnơ\ng adrin vă jang tơnăp dôm pơkăp tơgu\m ăn bơngai đei ko\ng hăm kăch mạng, vei xơđơ\ng tôm tơtom. Tơbăt 75 xơnăm ‘Năr linh j^ rơka linh lôch do\ng teh đak, noh ‘nguaih kơ tơdrong jang rim xơnăm, xơnăm âu oei đei tơdrong jang ako\m tơjra#m pơma dơnuh, pôk hơpăh hăm bơngai đei ko\ng erih pơm jang rơgei lơ\m ja#p dêh char”.

‘Nguaih dôm pơkăp đơ\ng Đảng, Khul kơpal teh đak, tơdrong atu\m vang jang đơ\ng tơpôl hăm unh hnam bơngai đei ko\ng adoi đei tơre\k păng đei lơ tơdrong jang kăp g^t. Jo# đơ\ng xơnăm 2011, tơdrong jang “{lo\k tơbăt pôk hơpăh” ja#p teh đak hlôi xơng đei je# 5.600 tih hlj, man ‘nao je# 39.000 to\ hnam ‘mêm kơ eng, hơmet ming je#  25.000 to\ hnam ‘mêm kơ eng hăm kơso# 13.000 tih hlj; ja#p teh đak đei hloh 4 rơbâu 100 ‘nu yă đei hơnăn Me\ Việt Nam nuih mơng oei erih đei dôm anih jang io\k rong ‘me, vei rong đ^ hnưr erih. Truh đ^ xơnăm 2020 đei je# 99% unh hnam đei ko\ng đei tơdrong erih hơto\ dăh mă kơjung hloh pơkăp kơ kon pơlei tơ\ tơring oei xa; 98,7% xăh, phương, th^ tra#n jang tơnăp tơdrong jang hăm linh j^ rơka linh lôch do\ng teh đak; adrin keh đang tơdrong tơgu\m bơ\ hnam oei hăm bơngai tơgu\m jơhngơ\m hăm kăch mạng păng ưh đei unh hnam bơngai đei ko\ng hin dơnuh.

{ok Nguyễn Bá Hoan, Thư\ trưởng Anih tơm Axong jang Linh j^ rơka păng Tơpôl ăn tơbăt: “Khei năr âu ki, tơdrong jang lơ\m tơpôl hăm tơdrong vei rong, hơmet j^ ăn bơngai đei ko\ng đei jang tơnăp. Tơdrong hơvơn dôm anih jang tơpôl, dôm anih jang ‘mêm bơnat tơre\k ăn tơdrong erih bơngai đei ko\ng, rong ‘me  đe yă đei hơnăn me\ Việt Nam nuih mơng, đang kơ noh tơre\k hăm pơxat kơ dôm linh lôch do\ng teh đak nuih mơng, ming man anih xoi [lo\k ăn linh lôch tang... tơ\ minh [ar tơring đei tơle\ch jang hăm tơdrong tơgu\m đơ\ng jơnu\m pơgơ\r tơring păng dôm anih jang ‘mêm bơnat, anih jang mu\k drăm păng rim tơ ‘ngla. {ơ\t tơbăt 75 xơnăm, dôm jăl pơgơ\r tơring hlôi tơre\k, axong kơ hre\ng tih hlj đơ\ng jên mong trung ương, jên mong kơ tơring đang kơ noh hơvơn đơ\ng dôm tơdrong tơgu\m nai kiơ\ Anih jang Măt tra#n Tôh kuôk Việt Nam, dôm jơnu\m jang, bơngai jang mu\k drăm vă vei rong bơngai đei ko\ng păng inh lui ngeh tơdrong jang âu pơtoi đei tơre\k păng hơto\k pran lơ\m khei năr truh”

Lan chih păng pơre nơ\r