Truh ngôi păng vang sơ ‘ngon hăm ŭnh hnam kang ƀô̆ vei lăng bri ‘long lơ̆m tơdrong âu, Phŏ kơdră tơm Nguyễn Quốc Trị athei khŭl kơdră tơring apŭng Ea Kar bơngơ̆t truh tơdrong arih sa tơmam drăm, jơhngơ̆m đon, pơm rim tơdrong hiôk tơgŭm ŭnh hnam bơngai răm yak hloh tơdrong ơh sơ ‘ngon vă hrôih sơđơ̆ng tơdrong arih sa păng tơdrong hŏk pơhrăm đơ̆ng đe mon.

Khŭl lĭnh vei lăng bri ‘long, anih jang vei lăng găh choh jang sa dêh char Dak Lak jang hơdai kơjăp hăm khŭl lĭnh kơpal tơtĕnh dăr hơlen, pơm hơdăh tơdrong păng bơ̆jang dôm trong jang tơgŭm kiơ̆ tơdrong hơgăt hăm kang ƀô̆ vei lăng bri ‘long đei đe prăh lôch. ‘Măng âu, Kŏng đoan anih jang găh choh jang sa păng hơtŏk tơiung tơring tơrang, Anih vei lăng găh choh jang sa păng hơtŏk tơiung tơring tơrang Dak Lak kŭm hăm dôm anih jang, bơngai đei jơhngơ̆m đon ‘mêm mơnat pơjao dôm tơpu tơmam tơgŭm ŭnh hnam jăh sơđơ̆ng tơdrong arih sa.