VOV4.Bahnar - Hơnơ̆ng pơgơ̆r hop akŏm ‘măng mă 8, pơgê năr 17/2, Dơnŏ anĭh bơ̆ jang Kuô̆k hô̆i ăn tơgop nơ̆r găh athei tơmơ̆t dơ̆ng lơ̆m trong bơ̆ jang Khôi luơ̆t khăm jĭ, ming hơmet jĭ (hơmet ming) lơ̆m trong jang vă pơjing khôi luơ̆t, khôi luơ̆t tơm tĕh đak sơnăm 2022. Tơ̆ hop akŏm mă 5, pơgơ̆r lơ̆m khei 11 sơnăm sơ̆, Dơnŏ anĭh bơ̆ jang Kuô̆k hô̆i hlôi ăn tơgop nơ̆r găh nơ̆r athei đơ̆ng Khŭl kơdră chĕp pơgơ̆r Tĕh đak tơmơ̆t dơ̆ng lơ̆m trong bơ̆ jang Khôi luơ̆t khăm jĭ, ming hơmet jĭ (hơmet ming) lơ̆m trong jang vă pơjing khôi luơ̆t, khôi luơ̆t tơm tĕh đak sơnăm 2022. Mă lei kơ yuơ tim mă sơđơ̆ng trong ‘mĕh vă, Dơnŏ anĭh bơ̆ jang Kuô̆k hô̆i athei hơnơ̆ng dăr lăng hơlen, mă kăl lăng trŭh dôm tơdrong tơchơ̆t hơmet ‘lơ̆ng, atŏk bơ̆ jang ‘lơ̆ng lơ̆m vei lăng năng tông Jơhngơ̆m jăn ăn Kon pơlei; tơlĕch jang hơdrol hăm bơ̆ jang khăm, ming hơmet jĭ, tơ iung pơjing khŭl bơ̆ jang pơgang tơring hăm tơring kon kông păng groi kông, tơring sơlam tĕh đak, bŏl dơsĭ, tơring tơnap tap ...

Tơblơ̆ nơ̆r: Amazưt