VOV4.Bahnar – Khei năr Têt  nguyên đán Nhâm Dần 2022 to\k bo\k je# truh. Lơ bơngai jang, unh hnam hin dơnuh, unh hnam mă teh đak tơchơ\t tơgu\m (mă hăt noh kon pơlei kon kông) pơngơ\t kơ minh pơyan Têt ưh đei tôm măh, kơyuơ [ơm răm đơ\ng pơrang j^ Covid-19. Vă bơngai yơ duh đei Têt păng “ưh đei prơih le# bơngai yơ tơ\ ro\ng”, dôm năr âu, lơ tơdrong jang tơre\k Têt ăn bơngai hin dơnuh, kon pơlei kon kông tơnap tap to\k bo\k đei pơgơ\r tơ\ dôm tơring lơ\m ja#p teh đak. Dôm tơmam pôk puih mak tơno\ ‘mêm kơ eng tơgu\m ăn kon pơlei xo# xôn xơng pơuih mak ‘nao.

Xơ\ jing anih hơbuh pơrang j^ mă blu\ng hli hlơt hloh dêh char Đăk Lăk ăh je# đ^ khei 7/2021 hăm 51 ‘nu [ơm F0, pơlei Ea Bhok, xăh Ea Bhok, apu\ng Cư Kuin hlôi găn ga khei năr hiơ\r kơ đon. Mă lei gơnơm đei tơdrong tơgu\m đơ\ng anih jang y te# păng dôm anih jang kơpal, jơnu\m pơgơ\r tơring noh kon pơlei hlôi yak hloh dôm tơdrong tơnap tap noh, chôt vih hăm dôm tơdrong jang ‘năr hmă. {ok Nguyễn Văn Dũng, Kơdră Anih vei lăng kon pơlei xăh Ea Bhok ăn tơbăt, lơ\m khei năr pơlei [ơm pơkăp pơvei, jơnu\m pơgơ\r xăh duh hơvơn dôm anih jang ‘mêm bơnat axong tơmam xa ăn unh hnam hin dơnuh, unh hnam [ơm răm đơ\ng COVID -19 vă đe ye\t dăh hrôih xơđơ\ng tơdrong erih. Dôm trong pơkăp tơgu\m duh đei tơring tơle\ch jang tơtom: Xăh duh hlôi tơgu\m ăn Anih jang apu\ng, Anih vei lăng kon pơlei tơgu\m ăn rim F0 đei 10 k^ phe, F1 chôt vih tơ\ tơring noh 5k^. Rim bơngai jang ưh đei pơkăp chôt vih tơ\ tơring noh xăh to\k bo\k pơm kiơ\ Tơchơ\t 68 vă tơgu\m ăn kon pơlei tơtom vă đei jên jang, kon pơlei pơtoi pơm jang tơ\ tơring păng pơtoi tơroi tơbăt ăn kon pơlei ne\ chă pơhơi, athei pơm kiơ\ tơnăp pơkăp 5K đơ\ng Anih Tơm Y te#.

Ưh adro# kiơ pơlei Ea Bhok, tơ\ lơ pơlei pơla kon pơlei kon kông [ơm răm đơ\ng pơrang j^ Covid 19 adoi đei tơgu\m găh tơmam xa, pơgang hơmet j^...

Têt Nguyên đán Nhâm Dần 2022 to\k bo\k je# truh, Đảng, Khul kơpal teh đak, Anih jang Trung ương Măt tra#n tôh kuôk Việt Nam to\k bo\k pơgơ\r dôm anih jang tơm, dôm dêh char tenh kuăng hơlen chih ako\m tơdrong erih kơ dôm bơngai mă teh đak tơchơ\t tơgu\m, kon pơlei kon kông đei tơdrong erih tơnap tap, [ơm răm đơ\ng pơrang j^ COVID-19, [ơm răm đơ\ng ‘mi kial cham char pơrăm, pơrang j^ pơm ăn mot xo\ng xa ăh khei tơje# kăt [a... vă dăh tom tơgu\m phe, tơmam xa păng axong tơmam drăm, vei xơđơ\ng ăn rim unh hnam gơh đei Têt tơno\. {ok Ta Rương Lương, Pho\ Kơdră Anih vei lăng kon pơlei xăh Hương Hữu, apu\ng Nam Đông, dêh char Thừa Thiên Huế ăn tơbăt, dôm năr tơje# Têt noh đei lơ anih jang, tơ ‘ngla bơngai jang ‘mêm bơnat truh apong, axong tơmam Têt ăn kon pơlei Cơ Tu lơ\m tơring:  Tơdrong tơre\k tơgu\m ăn unh hnam mă teh đak tơchơ\t tơgu\m, unh hnam hin dơnuh, mă kăl noh unh hnam kon pơlei kon kông [ơm lơ tơnap tap lơ\m pơyan Têt âu, ‘nguaih kơ Anih Axong jang noh Anih vei lăng kon pơlei apu\ng đei dôm tơpu tơmam kơdih, đang kơ noh Khul Kơpal teh đak đei tơpu tơmam adro# vă axong ăn unh hnam hin dơnuh, unh hnam tơnap tap.

Vă vei xơđơ\ng ăn kon pơlei bu bu duh đei Têt xo# hơ iă, atu\m hăm tơmam axong đơ\ng Kơdră teh đak păng đơ\ng dêh char Thừa Thiên Huế, Anih vei lăng kon pơlei apu\ng Nam Đông duh hơmet hloh 4,5 ta#n phe păng 200 tơpu tơmam, rim tơpu đei kơjă 500 rơbâu hlj axong ăn unh hnam tơnap tap. {ok Nguyễn Thanh Bình, Pho\ Kơdră Anih vei lăng kon pơlei dêh char Thừa Thiên Huế ăn tơbăt: Dêh char tơre\k tơgu\m ăn dôm bơngai mă teh đak tơchơ\t tơgu\m, bơngai hin dơnuh păng kon pơlei kon kông vă kon pơlei bu bu duh đei minh pơyan Têt tơno\, chơt hơ iă: “Lơ\m khei năr pơrang j^ hơbuh hli, rim unh hnam mă teh đak tơchơ\t tơgu\m, unh hnam hin dơnuh păng kon pơlei kon kông [ơm tơnap tap găh tơmam drăm xa. Nhôn hlôi chă tơgu\m tơtom ăn kon pơlei lơ\m Têt âu. Atu\m hăm noh dêh char duh tơre\k chih ako\m dôm unh hnam hin dơnuh, unh hnam mă teh đak tơchơ\t tơgu\m, unh hnam bơngai kon kông tơ\ A Lưới păng Nam Đông păng pơjao xơnong jang ăn Anih vei lăng kon pơlei apu\ng A Lưới păng Nam Đông dăh tơtom tơgu\m vă kon pơlei xơng minh pơyan Têt tơno\ tôm tong”

Lơ\m pơyan Têt âu, hloh 53 rơbâu unh hnam kon pơlei kon kông tơ\ 5 apu\ng groi kông păng 8 xăh kơ dôm apu\ng tơring tơmăn dêh char Quảng Ngãi đei io\k tơmam Têt. Rim tơpu tơmam đei kơjă 180 rơbâu hlj đei đak măm, rơmă, [ôk ngok... ‘Nâu jing pơkăp tơgu\m minh [ar tơmam kăp g^t ăn kon pơlei kon kông lơ\m pơyan Têt Nguyên đán Nhâm Dần 2022. {ok Nguyễn Thế Nhân, Pho\ Kơdră Anih jang găh bơngai kon kông dêh char Quảng Ngãi ăn tơbăt, rim ‘măng Têt, puih mak truh, atu\m hăm dôm tơpu tơmam đơ\ng pơkăp âu, rim tơring, anih jang oei atu\m hơ ‘nhăk Têt tơno\ truh hăm kon pơlei păng bơngai hin dơnuh tơring groi kông:  ‘Nguaih kơ pơkăp âu, Anih jang Măt tra#n tôh kuôk Việt Nam duh hơvơn tơgu\m atu\m ăn tôm unh hnam hin dơnuh lơ\m tơring kơ dêh char. Hơvơn tơpôl atu\m jơhngơ\m tơgu\m tơmam Têt ăn kon pơlei kon kông păng unh hnam hin dơnuh, tơje# hin dơnuh.

{o# trưởng, Kơdră Anih jang găh Bơngai kon kông Hầu A Lềnh ăn tơbăt, pơyan Têt Nhâm dần năm 2022 jing kăp g^t phara pơtêng hăm dôm xơnăm adrol, kơlih lơ unh hnam hlôi hin dơnuh, atu\m hăm tơre\k tih tên đơ\ng pơrang j^ Covid-19 roi jing tơnap tap hloh. Atu\m hăm noh, xơnăm âu duh jing xơnăm io\k jang pơkăp hin dơnuh ‘nao, noh kơso# unh hnam hin dơnuh duh lơ hloh: Tơdrong năm apong, axong tơmam ăn kon pơlei [ơ\t pơyan Têt xơnăm âu jing tơdrong jang kăp g^t vă hơlêm, vang glơng tơnap tap păng tơgu\m ăn kon pơlei đei minh pơyan Têt chơt hơ iă, tơno\ kiơ\ [lep pơkăp jang đơ\ng Đảng, Khul Kơpal teh đak noh ưh đei le# vă minh ‘nu bơngai yơ mă ưh đei Têt.

Lơ\m khei năr dang ei, lơ bơngai jang, lơ unh hnam kon pơlei kon kông tơ\ tơring groi kông ataih yaih to\k bo\k oei pơngơ\t kơ đon noh pơm thoi yơ vă đei minh pơyan Têt tôm măh lơ\m khei năr tơnap tap đơ\ng pơrang j^. {ok Lê Văn Thanh, Thư\ trưởng Anih tơm Axong jang – Linh j^ rơka păng Tơpôl ăn tơbăt:  Anih tơm Axong jang Linh j^ rơka păng Tơpôl atu\m hăm Anih jang Trung ương Măt tra#n tôh kuôk Việt Nam hlôi jang atu\m vă hơvơn ako\m Jên mong tơgu\m bơngai hin dơnuh atu\m hăm jên tơgu\m nai đơ\ng tơpôl, vă pơm thoi yơ rim kon pơlei adoi đei tơmam axong, mă ưh đei tôm, mă lei athei adrin kơ ‘nôh. Atu\m hăm noh, Anih tơm duh hlôi pơkăl dôm tơring tơre\k ăn kon pơlei lơ\m tơring po adoi đei Têt, ưh đei prơih le# bơngai yơ tơ\ ro\ng păng hơvơn lơ tơdrong tơgu\m nai. Mă kăl hloh noh hăm bơngai hin dơnuh, tơgu\m tơpôl, dôm bơngai âu jing dôm bơngai ưh đei pran vă đe ye\t đei Têt păng tơgu\m rim bơngai đei minh pơyan Têt chơt hơ iă.

Hăm tơdrong tơre\k đơ\ng Đảng, Khul kơpal teh đak, Trung ương Măt tra#n tôh kuôk Việt Nam păng dôm anih jang tơm chă pơgơ\r dôm dêh char, plei tơm tơre\k jang tơnăp pơkăp pơyua ăn tơpôl, tơre\k ăn tơdrong erih kon pơlei, mă kăl noh dôm unh hnam mă teh đak tơchơ\t tơgu\m, bơngai đei tơdrong erih tơnap tap, [ơm răm đơ\ng pơrang j^ Covid-19. Kiơ\ đơ\ng noh, tơgop tơgu\m kon pơlei kon kông pơma adro# păng kon pơlei ja#p teh đak pơma atu\m gơh đei xơng Têt Nguyên đán Nhâm Dần 2022 tơno\, xơđơ\ng; vă rim bơngai, rim unh hnam adoi đei Têt.

Lan chih păng pơre nơ\r