‘Nâu jing tơdrong mă đei bơngai tang măt lơ̆m Hô̆i đŏng kon pơlei dêh char Kon Tum jăl 12 tơrĕk truh, apinh hơdah ah ‘Măng hop akŏm mă 7 tŏk bŏk oei đei pơgơ̆r tơ̆ pơlei tơm Kon Tum. Tơrĕk truh dôm tơdrong tơhlăk tăk ‘nao tơroi tơ̆ kơpal, đei băt dêh char Kon Tum hlôi đei lơ hla bar pơtruh hăm dôm Anih jang Tơm, Anih jang Trung ương pơkăl đei pơtho chă trong pơklaih.

Mă lei truh dang ei, dôm Anih jang Tơm, Anih jang Trung ương duh tam mă đei tơdrong pơtho hơdah noh dêh char tam mă pơm jang đei tơdrong tơgŭm phe ăn unh hnam vang jang pơtăm bri păng hơtŏk ‘long bri ưh đei iŏk tơ̆r. Lơ nơ̆r pơtruh đơ̆ng bơngai tang măt ăn Hô̆i đŏng kon pơlei dêh char Kon Tum akhan, tơdrong tơchơ̆t jang đei mă lei tam mă đei iŏk jang lơ̆m tơdrong hơrih tŏk bŏk pơrăm truh tơdrong tơchơ̆t hơtŏk mŭk drăm – tơpôl adoi nhen tơdrong tơplih hơrih jang xa kơ kon pơlei.