VOV4.Bahnar - Pơ gê ‘năr 8/9 tơ̆ Hà Nội, Anih tơm vei lăng găh choh jang sa păng hơ tŏk tơ iung tơ ring tơ rang pơ gơ̆r hop akŏm “ Vei kơ jăp Tơ drong tơ chơ̆t kơ sô̆ 19 đơ̆ng Anih chĕp kơ̆l pơ gơ̆r Trung ương Đảng jăl 13 găh choh jang sa, kon pơ lei jang chŭn mir, tơ ring tơ rang  jăl jang truh sơ năm 2030, jang truh sơ năm 2045; Tơ drong jang hơ tŏk tơ iung choh jang sa păng tơ ring tơ rang kơ jăp ‘lơ̆ng jăl jang 2021 - 2030, jang truh sơ năm 2050”.

Kơ dră tơm Lê Minh Hoan iung pơ ma hơ tŏk tơ iung choh jang sa tơ ring tơ rang athei iŏk kon pơ lei jang chŭn mir pơm tơ ‘ngla

Kŭm hăm pơ gơ̆r hŏk pơ hrăm, roi tơ ƀôh, vei kơ jăp tơ drong tơ chơ̆t, Anih tơm vei lăng găh choh jang sa kŭm tŏk bŏk pơ gơ̆r pơ jing, pơ truh ăn Khŭl kơ dră teh đak tơ lĕch ăn Tơ drong jang bơ̆ jang kiơ̆ tơ drong tơ chơ̆t. Dôm nơ̆r tơ gop tơ̆ hop akŏm hlôi vang tơ roi dôm tơ drong hlôh vao, dôm tơ drong jang ‘nao, đei iŏk yua lơ̆m hơ tŏk tơ iung choh jang sa, kon pơ lei jang chŭn mir, tơ ring tơ rang vă yak truh tơ drong tơm pơ jing “ Choh jang sa bri brăh, tơ ring tơ rang ‘nao, kon pơ lei jang chŭn mir hơ gei”.

Thuem: Tơ blơ̆