‘Nâu jĭ kơ sâp hla ar vă tơgŭm bơngai đŏk lơ̆m păng ‘ngoăih teh đak hlôh hơdăh păng tôm găh trong jang tơgŭm tơdrong lui khop, tơdrong arih sa lui khop tơ̆ Việt Nam.

Iung pơma tơ̆ jơ tơƀôh muh măt Hla ar Kok “ Tơdrong lui khop păng trong jang tơgŭm lui khop tơ̆ Việt Nam”, ƀok Nguyễn Tiến Trọng, Phŏ kơdră Anih vei lăng tơdrong lui khop Khŭl kơdră teh đak tơbăt, kơ sâp hla ar pơtruh tơdrong kơtơ̆ng ang găh tơdrong lui khop, trong jang tơgŭm lui khop, iŏk đei vei sơđơ̆ng tơdrong gơh kiơ̆ lui mơ̆ng kơ dih tơ̆ Việt Nam, kŭm nhen long nol kăl kơ yak hloh păng dôm hơnăp jang tơgŭm hơdrol vă pơtrŭt tơdrong kiơ̆ lui mơ̆ng kơ dih đơ̆ng kon pơlei; dôm tơdrong hơgăt găh hơ kŭm pơhrăm, krao khan lơ̆m hla ar chih hơgăt khôi luơ̆t tơlĕch ăn dang ei, iŏk đei, long nol păng tơgŭm hơdrol đơ̆ng Việt Nam lơ̆m tơdrong vei sơđơ̆ng tơdrong gơh kiơ̆ lui mơ̆ng kơ dih. Tơ̆ hơtuch hla ar chih roi tơbăt 1,2 um rup găh lui khop, tơdỏng arih sa lui khop tơ̆ Việt Nam…