VOV4.Bahnar - Chih pơ rĕng tơ păt jên jang kơ Việt Nam tŏk 9 kơ nao pơ têng hăm ‘măng hơ len lăng hơ drol, dơ̆ng mă 68 lơ̆m kơ sô̆ 120 teh đak đei hơ len lăng. ‘Nâu jĭ kơ tơ̆ng ang kăl kơ lăng truh, ăn ƀôh tơ drong hơ drin đơ̆ng Việt Nam lơ̆m tơ drong hơ tŏk loi dơ̆ng tơ drong roi tơ păt rơ đăh jên jang teh đak. Kơ̆ pơ tôch hơ len lăng jên jang pơ̆ih jơ̆p plei teh sơ năm 2021, điêm kơ sô̆ găh 3 anih jang tŏk ‘lơ̆ng ngăl pơ têng hăm ‘măng hơ len lăng hơ drol ki, iŏk đei 44/100 điêm hăm tơ drong roi tơ păt, rơ đăh jên jang, 17/100 điêm hăm tơ drong vang jang đơ̆ng tơ pôl, păng 80/100 điêm hăm tơ drong dăr hơ len jên jang teh đak ( dôm tơ drong jang tă kơ tŏk 6 điêm pơ têng hăm sơ năm 2019). Điêm ‘lơ̆ng hơ iă đơ̆ng Việt Nam ‘noh tơ drong hơ met ming điêm kơ sô̆ găh tơ drong vang jang đơ̆ng tơ pôl, iŏk đei 17/100, lơ hloh jô̆ păh lăp jơ̆p plenh teh ‘noh 14/100. Anih tơm vei lăng găh jên hu tơ băt, tơ̆ hơ năp kơnh, gô hơ nơ̆ng jang kiơ̆ ‘lơ̆ng tơ drong jang roi tơ păt jên jang teh đak.

Thuem: Tơ blơ̆