Việt Nam xơkơ̆t đe hơ-ioh hơnơ̆ng jing dơnơm kơ rim trong pơkăp hơtŏk tơ-iung
Thứ năm, 10:05, 09/02/2023
VOV/Lan tơblơ̆
VOV/Lan tơblơ̆
VOV4.Bahnar – 'Măng hop akŏm rim xơnăm kơ Jơnŭm Mong jên tơgŭm Đe Hơ-ioh kơ Liên hơp kuôk (UNICEF) pơgơ̆r đơ̆ng năr 7-10/2, tơ̆ Anih jang kơ Liên hơp kuôk tơ̆ New York.
Pơma ăh Hop akŏm, Kơdră jang tang măt Đặng Hoàng Giang, Kơdră Khul Kơpal tang măt ăn Việt Nam tơ̆ Liên hơp kuôk tơroi kơ dôm tơdrong đei jơnei ang hơdăh mă Việt Nam đei iŏk lơ̆m 1 xơnăm kơ âu jô̆ đơ̆ng Jơnŭm pơgơ̆r jang UNICEF hơlen Tơdrong jang kơ teh đak Việt Nam ăh khei 2/2022.
Kơdră jang tang măt adoi hmach bơnê kơ tơdrong tơgŭm đei jơnei, tơtom kơ UNICEF 'măn ăn Việt Nam, mă hăt noh axong dôm jĭt trĭu kơliu vaccine ƀet bơ̆ng pơrang jĭ COVID-19. Kơdră jang tang măt Đặng Hoàng Giang vih xơkơ̆t gô pơtoi jang hadoi kơjăp hăm UNICEF vă hơtŏk tơ-iung păng vei vêr xơnong kơ đe hơ-ioh.
Viết bình luận