Đại tướng Phan Văn Giang hmach chơt hơ iă, hôn bơnê kơtang dôm tơdrong iŏk đei jơnei mă kon pơlei kơ pơlei Đăk Tiêng Kơ Tu iŏk đei lơ̆m dôm sơnăm au ki. Đại tướng pơma hơdăh: Tơgoăt tơgoăl ‘nŏh trong bơ̆ jang đơ̆ng Đảng păng Ƀok Hô vă tưk hơtŏk jơhngơ̆m pran pơđĭ hơdrĕch hơdrung. Hlôi jing tơdrong joăt, đơ̆ng lơ sơnăm kơ au, tơdrong pơgơ̆r Năr pơm lêh Tơgoăt tơgoăl hơdrĕch hơdrung tơ̆ rim pơlei pơla, lăng trŭh rim ŭnh hnam păng rim răih kon pơlei.

Jơ ‘năr au, Đại tướng Phan Văn Giang pôk ăn 100 pơbŭng hnam tơgoăt tơgoăl ăn Kon pơlei rim hơdrung dêh char Kon Tum hăm kơ jă kơjên 5 ti hlak jên. Khŭl bơ̆ jang păng dêh char Kon Tum hlôi pôk tơmam drăm ăn vă jê̆ 100 ŭnh hnam đei iŏk yua ăn tĕh đak păng ŭnh hnam dơnŭh tơ̆ tơring Đăk La.