Năr 30/9, rim khul jang lơ̆m Khul chơ chă sir kôch akŏm kơting linh lôch tang kơ Hơnih tơm vei lăng khul linh pơlei tơm HCM pơtoi pơm jang chơ chă kôch akŏm kơting linh lôch tang tơ̆ Bro B, Cham să Lê Thị Riêng. Lơ̆m năr, tơ̆ Bro B, khul jang hlôi ƀôh băt, kôch akŏm đei 10 kơ̆l kơting linh lôch tang atŭm hăm 2 tơmam drăm yua.

Jô̆ truh năr 23/6 truh năr 30/9/2026, rim Khul jang kôch akŏm kơting linh lôch tang hlôi ƀôh băt, akŏm đei hơkŏp tôm noh 682 kơ̆l kơting linh lôch tang, lơ̆m noh đei 301 kơ̆l kơting đei tơmam yua hơdoi. Tơdrong jang chơ chă kôch akŏm kơting linh lôch tang tơ̆ Cham să Lê Thị Riêng pơtoi đei rim khul jang hăt hot chơ chă hăm pơkăp dah hrôih 'nhăk linh lôch tang nuih mơng chôt vih hăm unh hnam, pơlei pơla păng khul grŭp.