Adrol kơ 'nŏh, ƀok Siu Bích, rơnĕh sơnăm 1952, oei tơ̆ plei Bi, tơroi ăn Anih chĕp kơ̆l pơgơ̆r khul linh xăh Ia Dom păng Khul K52 năm hơlen năng, ƀơ̆t ƀok ƀôh mĭnh ƀar tŏ pơsat đei jâu jĭ pơsat ƀŭ ƀô̆ đô̆i. Kiơ̆ đơ̆ng hơlen năng, khul jang kơpal akhan nơ̆r tơroi âu trŏ tơpă păng pơgơ̆r sir chă, kôch iŏk kơting linh.

Mă hơtuch, Khul K52 sir chă, kôch iŏk đei 2 kơ̆l linh lôch tang ăn teh đak kŭm hăm lơ tơmam nai. Ƀar kơ̆l linh lôch tang ăn teh đak đei chă ƀôh tơ̆ ƀar anih hơtăih băl dang 12 met tơ̆ plei Bi, xăh Ia Dom. Dang ei tam mă băt hơdăh hơnăn 2 ‘nu linh lôch tang ăn teh đak âu. Khul K52 oei hơnơ̆ng roi tơbăt ăn anih jang kơpal hơlen năng, pơgơ̆r bơ̆ jang dôm hơyak jang đơ̆ng rŏng dơ̆ng.