Năr 5/10, Khul tơchă kôch akom kơting ƀô̆ đô̆i lôch dŏng teh đak (Khul K74) găh Hơnih tơm Ƀô̆ đô̆i pơlei tơm Hồ Chí Minh hơnơ̆ng pơih să hơnih tơchă tơ̆ Bro B, Cham să Lê Thị Riêng. Lơ̆m năr, ‘năr đei ‘mi, ƀơm ưh kơ ‘lơ̆ng ăn tơdrong chă sir păng chơ pơdŭ teh. Hloh đơ̆ng jang tơchă Khul K74 hlôi ƀôh, kôch akŏm đei dơ̆ng 13 kơl ƀô̆ đô̆i lôch dŏng teh đak, lơ̆m ou đei hloi tơmam drăm ƀŭ hơdoi. Jô̆ đơ̆ng năr 23/6 truh dang ei, khul ƀơ̆ jang kơ Khul năm tơchă, Kôch akŏm kơting ƀô̆ đô̆i lôch dŏng teh đak hlôi tơchă ƀôh, kôch akom 731 kơl ƀô̆ đô̆i lôch dŏng teh đak tơ̆ Cham să Lê Thị Riêng, phương Hòa Hưng, pơlei tơm HCM. Bro ou sơ̆ găh Pơsat teh đak Đô Thành, oei krao akhan Hơnih Pơsat Chí Hòa-Chợ Quán. Lơ̆m akŏp kơting ƀô̆ đô̆i lôch dŏng teh đak đei tơchă ƀôh, 698 kơl ƀô̆ đô̆i lôch dŏng teh đak đei ƀôh ƀŭ hơdrô̆ dih băl; 33 kơl đei tơchă ƀôh tơ̆ 8 hơnih lŏk ƀŭ akŏm, đei 2 hơnih tŏ Bro A păng 6 hơnih tơ̆ Bro B.