- Ƀao hiêm tơpôl răt kơdih jing tơchơ̆t tơgŭm ƀao hiêm đơ̆ng Đảng păng Teh đak, kơyuơ tơdrong pơyua ăn kơ bơngai jang păng Kon pơlei, đei teh đak tơgŭm, kơyuơ hơnih jang Ƀao hiêm tơpôl iŏk jang.

- Bơngai vang jang: Kon pơlei Việt Nam đơ̆ng tôm 15 sơnăm tŏk tơ̆ kơpal ưh đei pơkăp lơ̆m bơngai răt ƀao hiêm tơpôl tơchơ̆t păng ưh kơsĭ bơngai oei xa jên khei pơdơh đĭ sơnăm jang, xa jên tơgŭm đơ̆ng ƀao hiêm tơpôl, xa jên tơgŭm rim khei;

- Bơngai pơm jang kiơ̆ tơchơ̆t jang ưh đei sơkơ̆t hơdah khei năr, tơchơ̆t pơm jang sơkơ̆t hơdah khei năr đơ̆ng tôm 1 khei tŏk tơ̆ kơpal păng bơngai jang tŏk bŏk pơdơh kơ jang kiơ̆ pơkăp jang.

- Jên đŏng rim khei hơtŏ  22% jên khei jang pơkăp ăn. Lơ̆m noh, bơngai răt ƀao hiêm tơpôl răt kơdih đei rơih kiơ̆ kơ jên khei jang vă pơkăp đŏng nhen tơ̆ hơla: kơđeh hloh noh hơtŏ hăm pơkăp unh hnam hin dơnuh tơ̆ tơring pơsĕl kiơ̆ tơchơ̆t; kơjung hloh noh hơtŏ hăm 20 ‘măng jên khei jang.

- Trong pơkăp đŏng: rim khei, 3 khei, 6 khei, 12 khei; đŏng 1 ‘măng ăn lơ sơnăm vih tơ̆ rŏng  (lơ hloh noh 5 sơnăm); dah mă đŏng 1 ‘măng ăn khei năr oei tam mă tôm (lơ hloh noh 60 khei) vă gơh xa jên khei pơdơh đĭ sơnăm jang.

- Bơngai răt ƀao hiêm tơpôl răt kơdih đei Teh đak tơgŭm jên đŏng kiơ̆ pơtih kơ hrĕng (%)  kiơ̆ pơkăp đŏng ƀao hiêm tơpôl rim khei hơtŏ hăm pơkăp unh hnam hin dơnuh tơ̆ tơring pơsĕl (khei năr tơgŭm ưh kơ hloh 10 sơnăm (120 khei)). Jên tơgŭm hơdah ăn rim bơngai nhen tơ̆ hơla:

- Tơgŭm  50% hăm bơngai lơ̆m unh hnam hin dơnuh; bơngai tŏk bŏk oei hơrih tơ̆ tơring achon teh, tơring kăp gĭt.

- Tơgŭm 40% hăm bơngai lơ̆m unh hnam hin dơnuh.

- Tơgŭm  30% hăm bơngai kon kông.

- Tơgŭm 20% hăm dôm grŭp bơngai nai.

- Hăm khul jang vei sơđơ̆ng tơpôl tơ̆ tơring kiơ̆ tơdrong chih ah pơkăp a chăl 2 Tơdrong 4 Tơchơ̆t kơsô̆  04/2024/NQ-HĐND năr 20/6/2024 kơ Jơnŭm vei lăng kon pơlei dêh char Đăk Lăk: tơgŭm 20% jên đŏng ƀao hiêm tơpôl rim khei kiơ̆ tơchơ̆t unh hnam hin dơnuh kơ tơring pơsĕl.

- Bơngai răt ƀao hiêm tơpôl răt kơdih ah đei tôm tơchơ̆t, đei pơyua nhen tơ̆ hơla ou:

- Mă mônh, đei xa tơgŭm oei hơnăp rơneh nge kiơ̆ tơchơ̆t tơlĕch.

- Mă ƀar, jên xa pơdơh đĭ sơnăm jang: đei xa tôm jên khei ah mă đei tôm tơchơ̆t pơdơh đĭ sơnăm jang păng khei năr đŏng ƀao hiêm tơpôl. Jên khei pơdơh đĭ sơnăm jang đei hơmet kiơ̆ Kơsô̆ kơjă tơmam drăm yua păng tơdrong jang mŭk drăm ƀôh tŏk.

- Mă pêng, ƀao hiêm hơmet jĭ jăn: bơngai răt ƀao hiêm tơpôl răt kơdih ah xa jên khei đĭ sơnăm jang gô đei hơnih jang ƀao hiêm tơpôl asong ăn the ƀao hiêm hơmet jĭ jăn ưh huach jên.

- Mă puăn, ah lôch hơchăng: unh hnam đei tơgŭm ăn jên pơdong grong ƀŭ păng tơgŭm minh ‘măng kiơ̆ tơchơ̆t ăn bơngai răt ƀao hiêm mưh lôch hơchăng.

- Mă pơđăm, xa jên ƀao hiêm tơpôl minh ‘măng: đei xa tơgŭm ‘măng glưh jên ƀao hiêm tơpôl kiơ̆ tơchơ̆t.

- Mă tơdrou, đei xa jên tơgŭm rim khei: ah mă tôm sơnăm pơdơh jang mă lei tam mă tôm 15 sơnăm đŏng ƀao hiêm tơpôl păng tam mă tôm tơchơ̆t đei xa tơgŭm jên khei đĭ sơnăm jang, ưh đei xa jên ƀao hiêm tơpôl ‘măng glưh mă athei pơtruh nơ̆r kăl. 

- Răt ƀao hiêm tơpôl răt kơdih vă đei xa jên khei đĭ sơnăm jang rim khei păng đei vei lăng ‘lơ̆ng jơhngơ̆m jăn ah ‘lŏ kră.

- Mưh kăl băt hơdah, noh năm truh hloi tơ̆ Ƀao hiêm tơpôl dêh char Đăk Lăk dah mă Ƀao hiêm tơpôl tơ̆ tơring, rim hơnih jang đei asong gơh iŏk jên Ƀao hiêm tơpôl, Ƀao hiêm hơmet jĭ jăn lơ̆m tơring vă gơh đei pơtho ăn păng pơvih ‘lơ̆ng tơnăp.

- Kơsô̆ điê̆n thuăi kăl tơgŭm kơ Ƀao hiêm tơpôl dêh char Đăk Lăk ‘noh: 0262 222 9799.

Kơsô̆ điê̆n thuăi hơnih jang Ƀao hiêm tơpôl dêh char păng ƀao hiêm tơpôl tơ̆ tơring

Kơsô̆ điê̆n thuăi kăl tơgŭm kơ Ƀao hiêm tơpôl dêh char Đăk Lăk:  0262 2229799

Kơsô̆ kiơ̆ kơ trong                              Hơnih jang                                               Kơsô̆ điê̆n thuăi

01                                                 Ƀao hiêm tơpôl tơring Lăk                                0262.3586214

02                                                 Ƀao hiêm tơpôl tơring Krông Pắc                     0262.3528049

03                                                 Ƀao hiêm tơpôl tơring Krông Bông                  0262.3732259

04                                                 Ƀao hiêm tơpôl tơring Cư M'gar                       0262.3834198

05                                                 Ƀao hiêm tơpôl tơring Buôn Đôn                      0262.3789478

06                                                 Ƀao hiêm tơpôl tơring Ea Súp                           0262.3688174

07                                                 Ƀao hiêm tơpôl tơring Krông Năng                   0262.3675479

08                                                 Ƀao hiêm tơpôl tơring Ea H'Leo                        0262.3777309

09                                                 Ƀao hiêm tơpôl tơring Cư Kuin                         0262.3633939

10                                                 Ƀao hiêm tơpôl tơring Ea Kar                            0262.3626703

11                                                 Ƀao hiêm tơpôl tơring M’Drắk                          0262.3731396

12                                                 Ƀao hiêm tơpôl tơring Tuy Hòa                         0257.3843936

13                                                 Ƀao hiêm tơpôl tơring Sông Cầu                       0257.3692125

14                                                 Ƀao hiêm tơpôl tơring Tuy An                           0257.3778789

15                                                 Ƀao hiêm tơpôl tơring Phú Hòa                         0257.3881179

16                                                 Ƀao hiêm tơpôl tơring Sông Hinh                      0257.3858259

17                                                 Ƀao hiêm tơpôl tơring Sơn Hòa                         0257.3861630