Chơ hloh 15.400 kơcheh kơting linh lôch tang ăn teh đak pơyua ăn hơlen lăng ADN hăm gre păr khŭl linh
Thứ ba, 08:16, 06/10/2026
VOV/Thuem tơblơ̆
VOV/Thuem tơblơ̆
VOV.Bahnar - Pơgê 5/10, tơ̆ Cham gre păr apŭng plĕnh teh Cần Thơ, Anih tơm pơgơ̆r khŭl linh Quân khu 9 jang hơdai hăm Quân chủng Phòng không - Không quân păng rim tơring bro Tơmăn đak krong Cửu Long pơgơ̆r chơ, pơjao 15.401 kơcheh kơting linh lôch tang ăn teh đak yua ăn hơlen lăng ADN, băt hơdăh hơnăn linh lôch tang ăn teh đak.
‘Nâu jĭ ‘măng chơ mă 11 păng jing ‘măng mă blŭng chơ hăm gre păr khŭl linh CASA-C295 kơ Lữ đoàn 918. Pơma tơ̆ jơ pơm lêh, Trung tướng Hồ Văn Thái, Chính ủy Quân khu 9, pơma hơdăh kang ƀô̆, khŭl linh kŭm hăm dôm anih jang kơpal tŏk bŏk hơdrin bơ̆jang “Tơdrong jang 500 măng năr” găh tơchă, iŏk akŏm păng băt hơdăh hơnăn kơting linh lôch tang ăn teh đak.
Dôm kơcheh kơting đei chơ năm tơ̆ Hà Nội vă pơjao ăn kơ dôm anih jang joăt jang pơgơ̆r hơlen lăng ADN. Tơdrong jang tơƀôh jơhngơ̆m đon ‘lơ̆ng “Nhă đak ƀlŏk kơtu”, tơdrong ƀlŏk hơdơ̆r đơ̆ng jơhnơr hrei ‘nâu hăm dôm bơngai hlôi hŭt hơkâu yua kơ Teh đak.
Viết bình luận