VOV4.Bahnar – Kŏng ti jang kơdih 732 jĭ anih jang mŭk drăm kơ khul linh kơ Binh đoan 15. Anih jang tŏk bŏk oei pơm jang tơ̆ 4 tơring, lơ̆m 2 apŭng sơlam teh Ngọc Hồi păng Sa Thầy, dêh char Kon Tum. Dôm sơnăm kơ âu, Anih jang hlôi tơgŭm kon pơlei kon kông tơring sơlam teh hơtŏk mŭk drăm, sơđơ̆ng tơdrong hơrih.

VOV4.Bahnar - Pơgê 25/5, dêh char Gia Lai pơgơ̆r lêh tih pơdong păng ƀŭ hơmet 22 kơ̆l linh păng bơngai juăt jang đơ̆ng Việt Nam lôch tang tĕh đak lơ̆m khei ‘năr tơblăh tơ̆ Campuchia sơ̆.

VOV4.Bahnar - Pơgê 25/5, Phó Thủ tướng Trần Hồng Hà đei jơ bơ̆ jang hăm Khul pơtrŭt hŏk pơhrăm kơ tĕh đak Việt Nam.

VOV4.Bahnar - Hơnih tơm vei lăng Tơdrong jang-Bơngai rơka dŏng teh đak păng Tơpôl ‘nao jang hơdoi hăm Hơnih mong jên Hơ ioh Liên hợp quốc tơ̆ Việt Nam pơgơ̆r hop akŏm Hơ iŏh lơ̆m chăl kơsô̆.

VOV4.Bahnar - Hơnih tơm Kŏng ty ŭnh hơyuh  miền Trung (EVNCPC) hlôi pơjao hơnih ming man đak sŏ nhă rơgoh pôk ăn Kơđông vei lăng sơlam teh đak Bo Heng, oei tơ̆ tơring Krông Na, apŭng Buôn Đôn, dêh char Đak Lăk.

VOV4.Bahnar - Đơ̆ng 1 pơlei tă ŭnh hnam dơnuh hin ngăl, dang ei jing pơlei pơdrŏng hăm vă jê̆ 80% ŭnh hnam đei ƀôh. Tơdrong tơplih tơ̆ plei Nậm Sò, xăh Bản Phiệt, apŭng Bảo Thắng, Lào Cai đei lơ tơdrong tơgop đơ̆ng drŏ kăn đảng viên Đặng Thị Dẩn - bơngai blŭng a băt muih roh choh klăng teh, pơih trong klăih đơ̆ng dơnuh hin ăn tơring teh ‘nâu.

VOV4.Bahnar - Pơgê 22/5, Anih tơchĕng hơlen Atŏk tơiung tơpôl jang hơdoi hăm Anih Plan International tơ̆ Việt Nam pơgơ̆r “Roi tơƀôh dôm tơmam đơ̆ng Tơdrong jang Oh chơt hơiă”.

VOV4.Bahnar - ‘Năr 22/2, Pơih pơgơ̆r tih Hop akŏm ‘măng mă 5, Kuô̆k hô̆i jăl XV. Giĕng âu ki, Khul tang măt Kuô̆k hô̆i dôm dêh char lơ̆m tơring Tây Nguyên hlôi tơƀâp bơngai tăh hla tơ̆ lơ tơring. Bơngai chih tơdrong kơtơ̆ng ang ăn Radio nơ̆r pơma VN chih tơroi tơdrong jang ‘nâu tơ̆ 2 dêh char Dak Lak păng Kon Tum.

VOV4.Bahnar - Kơđông vei lăng sơlam Teh đak Huổi Luông, oei lơ̆m tơring Huổi Luông, apŭng Phong Thổ, dêh char Lai Châu jang ‘lơ̆ng lơ̆m hok pơhrăm păng pơm kiơ̆ jơhngơ̆m đon ‘lơ̆ng, trong bơ̆ jang hơ iă kơ Ƀok Hô tŏk bŏk đei tơlĕch kơtang lơ̆m khul ƀô̆ đô̆i, tơpă păng hơdăh.

VOV4.Bahnar - Pơtơm tơlĕch tơdrong jang “Tơ̆k hơdăh trong pơlei” đơ̆ng hơtuch sơnăm 2016, truh dang ei, druh dăm jang unh điên Dak Lak chô̆ đĕch unh điên tơ̆ 62km trong pơlei, hăm 56 tŏ kơƀŏng unh điên măt ‘năr ăn dôm tơring tơrang, tơring sơlam lơ̆m dêh char. Akŏm đĭ đăng đei kơjă hlŏh 1,4 ti hlak jên.