VOV4.Bahnar - Kơđông vei lăng sơlam Teh đak Huổi Luông, oei lơ̆m tơring Huổi Luông, apŭng Phong Thổ, dêh char Lai Châu jang ‘lơ̆ng lơ̆m hok pơhrăm păng pơm kiơ̆ jơhngơ̆m đon ‘lơ̆ng, trong bơ̆ jang hơ iă kơ Ƀok Hô tŏk bŏk đei tơlĕch kơtang lơ̆m khul ƀô̆ đô̆i, tơpă păng hơdăh.

VOV4.Bahnar - Pơtơm tơlĕch tơdrong jang “Tơ̆k hơdăh trong pơlei” đơ̆ng hơtuch sơnăm 2016, truh dang ei, druh dăm jang unh điên Dak Lak chô̆ đĕch unh điên tơ̆ 62km trong pơlei, hăm 56 tŏ kơƀŏng unh điên măt ‘năr ăn dôm tơring tơrang, tơring sơlam lơ̆m dêh char. Akŏm đĭ đăng đei kơjă hlŏh 1,4 ti hlak jên.

VOV4.Bahnar - Năr 15/5 tơ̆ Cần Thơ pơgơ̆r Hop akŏm khoa hŏk hăm hơnăn “Pơm pơkeh khôi luơ̆t groi teh lơ̆m chăl vang mơ̆t hơdoi”.

 VOV4.Bahnar - Xơkơ̆t hơdăh tơdrong hơtŏk đảng viên tơ̆ thôn, pơlei jing sơnong jang tơm dơnơm, tơgop hơtŏk tơdrong pơgơ̆r, jơhngơ̆m pran hăm anih jang đảng tơ̆ tơring, khei năr âu ki, rim anih jang Đảng tơ̆ tơring kơ dêhc har Đăk Lăk hơnơ̆ng tơrĕk truh tơdrong pơtho pơhrăm tơmơ̆t jang Đảng.

VOV4.Bahnar - Hăm hơnăn “Đơ̆ng jơhngơ̆m đon bơ̆n vang kơrŭn tơ iung pơjing tơpôl ‘mêm mơnat dih băl”, pơgê (15/5), tơ̆ pơlei tơm Kon Tum, Khul Chư pơglang ƀrê dêh char Kon Tum pơgơ̆r Pơm lêh tơlĕch jang Khei ‘mêm mơnat sơnăm 2023, tơbăt 160 sơnăm đei pơjing Khul Chư pơglang ƀrê păng Khei Tơƀang ƀrê apŭng plĕnh teh.

VOV4.Bahnar - Hơtŏk tơiung jang hơdai tơring ‘noh jĭ trong jang ‘lơ̆ng đơ̆ng Đảng păng teh đak bơ̆n vă iŏk jang, hơtŏk ‘lơ̆ng hloh tơmam, tơdrong ‘lơ̆ng đơ̆ng rim tơring lơ̆m teh đak vă hơtŏk tơiung mŭk drăm - tơpôl, vei sơđơ̆ng teh đak păng hơtŏk ‘lơ̆ng tơdrong arih sa tơmam drăm, jơhngơ̆m đon kon pơlei.

VOV4.Bahnar - Hơmet ăn ‘măng hop akŏm mă 5 Kuô̆k hô̆i jăl 15, Anih chĕp kơ̆l pơgơ̆r Kuô̆k hô̆i ‘nao hop akŏm ‘măng 23. Tơ̆ hop akŏm, dôm bơngai jang lơ̆m Anih chĕp kơ̆l pơgơ̆r Kuô̆k hô̆i athei hơmet tơdrong 1 kơsô̆ kăn ƀô̆, bơngai jang kơ tĕh đak, ưh pơ̆n jang, “vei lăng kơdih kâu hlŏh tơdrong”, jing ƀơm ưh ‘lơ̆ng truh tơdrong jang xa, tĕch mơdro.

VOV4.Bahnar  Lơ̆m 2 năr, 11 păng 12/5, tơ̆ dêh char Dak Lak, pơ gơ̆r Hop akŏm pơ hrăm tơdrong jang bơ̆jang trong jang tơgŭm Ƀao hiêm tơpôl, Ƀao hiêm ưh kơ đei tơdrong jang tơring păih pơbăh.

VOV4.Bahnar- Hăm kon pơlei Bình Thuận, mă kăl kon pơlei rôp ka hơdang, khul Ƀô̆ đô̆i vei lăng sơlam teh đak ưh khan lăp chă pơrô̆ pơrôp, pơtho tơbăt khôi luơ̆t, hơlêm kon pơlei hơdrin tơklep kơjăp hăm đak dơsĭ, vei lăng pơm tơm tơngla đak dơsĭ gĭt kăl kơ Teh đak mă lei oei vei lăng năng tông tơdrong erih sa kơ kon pơlei.

VOV4.Bahnar - Bơ̆ jang kiơ̆ tơdrong jang tơƀơ̆p pơma dơnuh hăm bơngai tăh hla hơdrol ‘măng hop akŏm mă 5, Kuôk hô̆i jăl XV, Khŭl tang măt Kuôk hô̆i dêh char Dak Lak hlôi tơƀơ̆p pơma dơnuh hăm bơngai tăh hla tơ̆ dôm apŭng Ea Kar, Krông Ana, Buôn Đôn, Ea Sup, M’Đrăk păng Krông Pắk.