VOV4.Bahnar – Pơgê năr (23/6), tơ̆ thôn Pré, xăh Phú Hội, apŭng Đức Trọng, Anih jang vei lăng kon pơlei dêh char Lâm Đồng hlôi pơtơm man hnam oei tơpôl ăn bơngai pơm jang tơ̆ Anih jang kŏng ngĭp Phú Hội păng kon pơlei pơm jang ưh đei pơyua lơ lơ̆m tơring.

VOV4.Bahnar – Lơ xơnăm kơ âu, kăn ƀô̆, khul linh Ƀô đô̆i vei Xơlam teh dêh char Trà Vinh hlôi jang tơnăp dôm tơdrong jang pơtrŭt hŏk pơhrăm gơh rơgei. Lơ̆m noh, Tơdrong jang “Tơgŭm đe oh truh hnam trưng” păng “Kon rong anih linh vei xơlam teh” hlôi tơgŭm lơ hŏk tro tơnap tap tơ̆ tơring xơlam teh achon đak dơsĭ gơh pơtoi năm hŏk tơ̆ hnam trưng.

VOV4.Bahnar - Kŏng ty ŭnh hơyuh Đăk Lăk ‘nao pơgơ̆r pôk ăn pơbŭng hnam ‘mêm mơnat ăn 2 ŭnh hnam đei iŏk yua ăn teh đak kơ apŭng Krông Pach păng Krông Năng.

VOV4.Bahnar - ‘Năr 18/6, Anih tơm vei lăng Công an pơgơ̆r lêh pơjao jên man hnam ăn unh hnam tơnuh, unh hnam kon pơlei Khmer tơ̆ dêh char Sóc Trăng.

VOV4.Bahnar - Khei năr au ki, tơ̆ ‘Măng hop akŏm mă 5, Kuô̆k hô̆i jăl XV, mĭnh lơ̆m dôm tơdrong đei bơngai tăh hla lăng truh ‘nŏh ‘măng apĭnh jet găh jang kiơ̆ rim Tơdrong jang Teh đak. Tơ̆ au, Kơ iĕng Thủ tướng Trần Lưu Quang pơma hơdăh khei năr kơnh pơm pơkeh khôi luơ̆t kơjăp vă Tơdrong jang đei tơlĕch kon jên jang ƀlep hăm nơ̆r athei.

VOV4.Bahnar - Tơdrong mĭnh khul đei phao kơtoang, săng đao năm tơdrŭt lơm Hơnih bơ̆ jang kơ Hơnih vei lăng kon pơlei tơring Ea Tiêu păng tơring Ea Ktur (lơ̆m au đei Hơnih bơ̆ jang kơ Kŏng ang tơring) găh apŭng Cư Kuin, dêh char Đăk Lăk, pơm ăn mĭnh ƀar ‘nu Kŏng ang tơring, kang ƀô̆ tơring lôch răm, rơka, pơm ăn kon pơlei tăr văr.

VOV4.Bahnar - Iung năm hơdrol lơ̆m jang mŭk drăm, hŭt lê̆ dôm tơdrong joăt so ưh kơ ‘lơ̆ng păng vang tơgŭm hăm kon pơlei sư, đảng viên Pờ Lò Hừ hlôi đei kon pơlei lơ̆m pơlei lui yom. Thoi noh dang ei, kon pơlei dơnuh hin La Hủ hơnih tơ̆ tu đak krong Đà, găh xăh sơlam Pa Ủ, Mường Tè (Lai Châu) hlôi tŭn pran jang sa vă yak hloh đơ̆ng dơnuh hin.

VOV4.Bahnar - Giĕng au ki, lơ̆m pơgơ̆r apĭnh jet păng tơl nơ̆r tơ̆ ‘măng hop akŏm Kuô̆k hô̆i ‘măng mă au, ƀok Hầu A Lềnh, Ƀô̆ trương, Kơdră chĕp pơgơ̆r Hơnih vei lăng kon kông vang tơl hơdăh găh tơdrong kon kông.

VOV4.Bahnar - Kơsơ̆ năr 8/6, hơnơ̆ng pơgơ̆r Hop akŏm ‘măng mă 5, rim kơdră tang măt Kuô̆k hô̆i hlôi pơdrơ̆ng kiơ̆ Tơdrong tơchơ̆t găh Bơ̆ jang dăr lăng kơ Kuô̆k hô̆i sơnăm 2024.

VOV4.Bahnar - Rim tơdrong tơplih lơ̆m erih sa, lơ̆m trong yak hloh tơnap tap kơ lơ kon pơlei, hŏk tro dơnuh tơ̆ tơring sơlam teh đak Sơn La đơ̆ng sơ̆ bơih hlôi tơklep kơjăp hăm khul ƀô̆ đô̆i, um rup “ƀô̆ đô̆i Ƀok Hô” lơ̆m chăl ‘nao.