VOV4.Bahnar- Lơ̆m 5 năr, đơ̆ng ‘năr 26-30 khei 6, hloh 200 ‘nu kang ƀô̆ bơngai jang teh đak kơ dêh char Dak Lak hlôi vang hŏk lăm pơhrăm ming tơdrong jang krao hơvơn kon pơlei, yua đơ̆ng Anih jang Nội vụ Dak Lak jang hơdai hăm Anih pơtho pơhrăm bơngai jang pơlei tơm Đà Nẵng pơgơ̆r.

VOV4.Bahnar - Pơgê năr 30/6, Kơ iĕng Thủ tướng Trần Hồng Hà pơm tơm ‘măng hop akŏm Hơnih bơ̆ jang Teh đak găh bơngai ‘lo kră tơ̆ Hơnih bơ̆ jang Khul kơdră chĕp pơgơ̆r Teh đak.  

VOV4. Bahnar - Tơ̆ Hà Nội, Hơnih tơm Chinh trĭ Khul Ƀô̆ đô̆i kon pơlei Việt Nam ‘nao pơgơ̆r Hop akŏm khoa hŏk “kiơ̆ yok jơhngơ̆m đon ‘lơ̆ng “Ƀô̆ đô̆i Ƀok Hô” lơ̆m chăl hle".

VOV4.Bahnar - Lơ̆m sơnăm 2023, đĭ đei hlŏh 13 rơbâu unh hnam kon kông tơ̆ Gia Lai đei tơgŭm tŏk iŏk jên đơ̆ng anih mong jên tơgŭm tơpôl. Kơsô̆ jên đei tŏk iŏk chă đei tơdrong jang, pơm hơtŏk tơdrong arih xa ăn kon pơlei tơ̆ dôm tơring pơmat tat.

VOV4.Bahnar - Tơdrau khei blŭng sơnăm 2023, Hơnih bơ̆ jang Tơbăt tơdrong jang Đak Lăk sơng iŏk đei 6.000 hô sơ apĭnh sơng iŏk kon jên tơgŭm djru hiong tơdrong jang, tŏk 165 hô sơ pơtêng hăm sơnăm 2022.

VOV4.Bahnar - Kơsơ̆ (27/6), Anih pơgơ̆r jang tang găh xa pơjĭp, pơm glăi dêh char Kon Tum pơgơ̆r hop akŏm roi tơbăt rim tơdrong jang tang găn xa pơjĭp, pơm glăi tơ̆ dêh char.

VOV4.Bahnar -Tơdrong jang iŏk yua hla ar chih răk kon pơlei oei sa, tơbăt hơnăn lơ̆m điện tử pơyua ăn tơplih kơ sô̆ teh đak jăl jang 2022 - 2025, lăng truh sơnăm 2030 (krao kơđeh ‘noh Tơdrong jang 06) đơ̆ng Khŭl kơdră teh đak đei tơdrong ‘lơ̆ng gĭt kăl lơ̆m tơdrong tơgoăt hla ar chih răk, đei yua dôm hơnăp jang mŭk drăm -tơpôl.

VOV4.Bahnar – Giĕng âu ki, Kuôk hô̆i pơma đam găh Chih akŏm Luơ̆t Mŭk drăm đak (hơmet tơplih). 'Nâu jing luơ̆t kăp gĭt, đei lăng gô tơgop pơklaih tơhlăk tơhlĭn lơ̆m luơ̆t oei yua dang ei, vă keh đang luơ̆t vei xơđơ̆ng thong đak, păng ‘lơ̆ng đak xŏ nhă. Kiơ̆ đơ̆ng noh pơm hơdăh xơnong jang, tơchơ̆t vei lăng gơh hơtŏ hơnơ̆ng lơ̆m iŏk yua thong đak.

VOV4.Bahnar - Hơnih bơ̆ jang Mặt trận Tổ quốc Việt Nam dêh char Đak Lăk ‘nao pơgơ̆r Hop akŏm pơtôch 20 sơnăm Năr lêh Tơgoăt tơgoăl rim hơdrĕch hơdrung jăl jang 2003-2023.

VOV4.Bahnar – Pơgê năr (23/6), tơ̆ thôn Pré, xăh Phú Hội, apŭng Đức Trọng, Anih jang vei lăng kon pơlei dêh char Lâm Đồng hlôi pơtơm man hnam oei tơpôl ăn bơngai pơm jang tơ̆ Anih jang kŏng ngĭp Phú Hội păng kon pơlei pơm jang ưh đei pơyua lơ lơ̆m tơring.