VOV4.Bahnar - Giĕng au ki, tơ̆ Hà Nội, Khul bơ̆ jang Dăr lăng kơ Hơnih bơ̆ jang khul kơdră chĕp pơgơ̆r Kuô̆k hô̆i găh “Tơdrong jang kiơ̆ Tơdrong tơchơ̆t kơsô̆ 88 păng Tơdrong tơchơ̆t 51 kơ Kuô̆k hô̆i găh tơplih ‘nao tơdrong jang pơtho pơhrăm păng kơsơ̆p hla bơar pơtho jăl pêng” hlôi bơ̆ jang hăm Khul kơdră chĕp pơgơ̆r Teh đak. ‘Nau tơdrong đei bơngai tăh hla lơ̆m teh đak lăng kơjăp.

VOV4.Bahnar - Jơsơ̆ năr 28/7, Kơdră chĕp pơgơ̆r Kuô̆k hô̆i Vương Đình Huệ pơm tơm Hop akŏm Bơngai jang sơnăm 2023 hăm hơnăn “Pơm pơkeh trong bơ̆ jang, khôi luơ̆t đei ƀơm truh bơngai jang păng hơnih jang Công đoàn”.

VOV4.Bahnar - Pơgê năr 28/7, tơ̆ Hnam Kuô̆k hô̆i, Hơnih bơ̆ jang Mŭk drăm Kuô̆k hô̆i pơgơ̆r Hop akŏm iŏk nơ̆r tơgop găh trong vă pơjing Khôi luơ̆t groi teh (hơmet ming).

VOV4.Bahnar – Tơƀôh đon bơnôh “Nhă đak chăm kơ tu” đơ̆ng hơdrung hơdrĕch, dôm năr âu, đe mơlôh Đăk Lăk hlôi tơlĕch lơ tơdrong jang hơdah, kăp gĭt vă tơƀôh đon bơnôh pôk bơnê hăm dôm bơngai hlôi vang akŏm tơblah, plang sĕch pham po kơyuơ tơdrong rơngei hiôk hian ăn Teh đak.

VOV4.Bahnar-Kơsơ̆ 27/07, tơ̆ Hà Nội, Khŭl Dăr hơlen kơ Anih chĕp kơ̆l pơgơ̆r Kuôk hô̆i găh tơplih ‘nao tơdrong pơtho hŏk, hla ar hŏk đei jơ bơ̆jang hăm Khŭl kơdră teh đak. 

VOV4.Bahnar - Atŭm hăm tơdrong jang vei lăng sơđơ̆ng, iung tơjră tang găn tơdrong pơm yoch, Kŏng ang apŭng Ea Hleo, dêh char Đak Lăk hlôi tơlĕch tơdrong jang “3 yak hơdoi” vă sơđơ̆ng hơrih sa ăn kon pơlei, tơ iung pơjing tang găn kơjăp lơ̆m jơhngơ̆m đon, tơgoăt tơgoăl pôm nơ̆r ƀơ̆r đon kon pơlei vang iung jang hơdoi hăm kơdră tơring vei lăng sơđơ̆ng dơ̆ng kơjăp tơring, vei lăng kơjăp tơdrong hơrih sa hiôk hian ăn rim pơlei pơla.

VOV4.Bahnar - Dôm sơnăm âu ki, mă đơ̆ng jên, tơmam ưh kơ đei lơ, dêh char Dak Lak hlôi vei lăng ‘lơ̆ng pơ đĭ găh tơmam drăm hăm jơhngơ̆m đon ăn ŭnh hnam teh đak tơgŭm, bơngai đei kŏng lơ̆m tơring. Kiơ̆ đơ̆ng pơm tơ jur ƀiơ̆ tơdrong ơh sơ ‘ngon yua đơ̆ng tơblăh vang, tơgŭm dôm ŭnh hnam đei tơdrong arih sa roi ‘năr roi ‘lơ̆ng hloh.

VOV4.Bahnar - Tơbăt Năr Bơngai rơka lôch dŏng teh đak, lơ̆m teh đak đei lơ tơdrong jang năm ngôi, pôk tơmam drăm ăn ŭnh hnam đei iŏk yua ăn kĕch mang.

VOV4.Bahnar - Kiơ̆ nơ̆r athei đơ̆ng Hơnih tơm Pơprŏ tơdrong jang păng Tơmơ̆t jên jang, Kơ iĕng Thủ tướng Trần Lưu Quang, Kơdră chĕp pơgơ̆r Hơnih pơrô̆ jang Trung ương rim Tơdrong jang tơm Teh đak jăl jang 2021 – 2025 hlôi tơlĕch jang kiơ̆ Trong pơprŏ va wjang dăr lăng, lăng hơlen tơdrong jang kiơ̆ Tơdrong jang tơm Teh đak kơ Hơnih chĕp pơgơ̆r Trung ương sơnăm 2023 tơ̆ 3 tơring: Tơring Tơmăn păng Groi kông Bắc Bộ, Tơring Tơmăn Tŏk bŏk păng tơring Tây Nguyên păng tơring Tơmăn đak kroong Cửu Long. Giĕng au ki, Khul hlôi bơ jang tơ̆ dêh char Đak Lăk.

VOV4.Bahnar – Khei 7 - Tháng pôk bơnê kơ đe linh lôch dŏng teh đak, tơ̆ dôm pơsat ƀlŏk tơbăt, anih gru gra kơ hnưr hơrih tơ̆ dêh char Quảng Trị, kơ rơbăn linh so, ‘nhŏng oh linh lôch dŏng teh đak păng tơmoi chôt vih plang hlôt nhang, pơkao ƀlŏk tơbăt kơ dôm bơngai hlôi lôch plang kơyuơ tơdrong hiôk hian ăn hơdrung hơdrĕch. Kơ rơbăn ‘nu linh lôch dŏng teh đak tŏk bŏk đei pơdơh pơdei tơ̆ 72 pơsat ƀlŏk tơbăt lơ̆m tơring teh kơ dêh char Quảng Trị.