VOV4.Bahnar -Thủ tướng Teh đak Phạm Minh Chính ‘nao kĭ tơlĕch ăn Hla ar kơ sô̆ 634/CĐ-TTg ‘năr 10/7/2023 hơmet pơ ‘lơ̆ng mơmat tat, tơhlăk tơhlĭn lơ̆m tơdrong chih kơ jă teh.

VOV4.Bahnar-Sơnăm ‘nâu 37 sơnăm, 13 sơnăm đảng păng hloh 7 sơnăm pơm Kơdră Khŭl drŏ kăn xăh, đảng viên Y Chon, bơngai Giẻ- Triêng hăm hơnăp jang đơ̆ng kơdih hlôi tơgoăt 1 ƀơ̆r đon, akŏm tơgŭm hloh 900 ‘nu bơngai jang lơ̆m khŭl ƀrư̆ ƀrư̆ tơplih trong tơchĕng, trong jang pơjing Khŭl păng tơpôl tơ̆ xăh sơlam Đăk Dục, Ngọc Hồi, Kon Tum pran kơjăp.

VOV4.Bahnar - Bơ̆ jang vei lăng kon kông đei Đảng păng Teh đak xơkơt hơdăh jĭ mĭnh tơdrong jang kăl, đunh đai, kăl hloh. Khei năr au ki, đei lơ trong jang tơgŭm ăn tơring kon kông đei pơjing hlôi tơgŭm hơtŏk tơdrong hơrih sa sơđơ̆ng dơ̆ng kơjăp păng mă kăl tơmơ̆t jên jang ming man trong hnam, jang mŭk drăm-tơpôl kơ tơring.

VOV4.Bahnar - Kơsơ̆ 7/7, Anih tơm vei lăng Công an pơgơ̆r Hop akŏm hơlen năng tơdrong jang kiơ̆ trong jang đơ̆ng Đảng păng tĕh đak tơ̆ tơring Tây Nguyên.

VOV4.Bahnar - Lơ̆m 6 khei blŭng sơnăm, Jơnŭm ‘long pơglang ƀrê dêh char Dak Lak hlôi krao hơvơn đei hloh 51,5 ti hlak jên tơlĕch jang tơdrong jang tơpôl, ‘mêm mơnat hăm lơ tơdrong jang hơdăh ‘lơ̆ng.

VOV4.Bahnar - Pơgê 6/7, Thủ tướng Phạm Minh Chính tơƀơ̆p muh măt khŭl tang măt ăn bơngai đei kŏng dêh char Nam Định.

VOV4.Bahnar - Kơdră chĕp pơgơ̆r Teh đak Võ Văn Thưởng pơm tơm bơ̆ jang hăm rim hơnih bơ̆ jang ƀơm truh vă lăng hơlen tơdrong bơ̆ jang xek tơlang hô sơ tơdrong yoch tơchơ̆t pơlôch.

VOV4.Bahnar - ‘Năr (4/7), kơdră chĕp kơ̆l Anih vei lăng kon pơlei apŭng Chư Pưh, dêh char Gia Lai pơtho ăn rim anih jang hơlen năng trong jang đơ̆ng tơ ‘ngla tơmât jên jang man Hnam kơmăy unh điên kial Ia Le 1 (xăh Ia Le) găh tơdrong tơgŭm ăn kon pơlei oei xa hơla jrăng tourbin unh điên kial.

VOV4.Bahnar - Tơ̆ tơring Tây Nguyên, đơ̆ng rŏng 20 sơnăm bơ̆ jang tơdrong Tơchơ̆t 78 sơnăm 2002 đơ̆ng Khul kơdră tĕh đak găh asong tŏk iŏk jên hăm jên kon tŏ sĕt, jên tơgŭm lơ̆m tơpôl hlôi jur truh tơ̆ jơ̆p pơlei pơla hơtăih yăih, lơ unh hnam tơnuh đei tơdrong ‘lơ̆ng vă jang tŏk, pơjing tơdrong arih xa sơđơ̆ng ‘lơ̆ng.

VOV4.Bahnar - Lăp đơ̆ng rŏng pơtôch Hop akŏm ‘măng mă 5, Kuô̆k hô̆i jăl 15, giĕng au ki, Kơdră tang măt Kuô̆k hô̆i rim dêh char Tây Nguyên hlôi iung bơ̆ jang tơƀơ̆p pơma dơnuh hăm bơngai tăh hla đơ̆ng rŏng hop akŏm. Atŭm hăm tơroi tơbăt pơtôch ‘măng hop akŏm, rim kơdră tang măt hlôi tơgoăt iŏk, tơl hơdăh nơ̆r tơgop đơ̆ng bơngai tăh hla.