VOV4.Bahnar - Vă vei hơto\ hơnơ\ng đơ\ng dôm hơdrung bơngai kon kông păng ưh kơ đei prơih hiơt le# bơngai yơ, Đảng păng Teh đak bơ\n hlôi chih ako\m lơ trong pơkăp jang vă xut le# pơngot tơjur hin dơnuh, hơto\k tơdrong erih kon pơlei tơguăt hăm vei xơđơ\ng xơnong kon bơngai, kơyuơ tơdrong hơto\k tơ iung tôm tong kơ kon bơngai, lơ\m noh tơre\k hơto\k mu\k drăm – tơpôl tơring kon pơlei kon kông, vei xơđơ\ng ăn kon pơlei kon kông gơh hơto\k tơ iung tôm tơdrong, đei yua dôm tơdrong jơnei găh mu\k drăm – tơpôl kơ teh đak. Kiơ\ pơkăp noh, Tơchơ\t 30a 2008 đơ\ng jơnu\m pơgơ\r teh đak hlôi păng to\k bo\k đei tơle\ch pơm kiơ\ hăm tơchơ\t xut le# hin dơnuh kơjăp xơđơ\ng tơ\ 61 apu\ng hin dơnuh, bơ\ng pang hơdăh hloh ăn trong pơkăp jang tro\ [lep đơ\ng Đảng, Teh đak bơ\n.

Pơm kiơ\ Tơchơ\t 30a xơnăm 2008 đơ\ng Jơnu\m pơgơ\r teh đak găh tơdrong jang tơgu\m tơjur hin dơnuh tenh păng kơjăp hăm 61 apu\ng hin dơnuh, truh dang ei, dôm unh hnam klaih đơ\ng hin dơnuh hlôi đei tơdrong erih xơđơ\ng, hơto\k hloh pơtêng hăm adrol âu ki, lơ\m noh hnam oei hlôi đei tơgu\m ming hơmet, bơ\ ‘nao, kon hơ ioh đei năm ho\k, đei yua đak xo\ nhă rơgoh, unh hnam đei lơ tơmam kăl nhen: ti vi, gre honđa, đie#n thoăi; đei unh hơyuh ‘măn pơm jang păng erih xa kơ unh hnam. Bơngai jang kơ unh hnam klaih đơ\ng hin dơnuh hlôi đei tơdrong jang, đei xa jên khei xơđơ\ng. ‘Nho\ng Đinh Văn Mạnh, bơngai H're, tơ\ thôn Gia Ry, xăh Sơn Trung, apu\ng Sơn Hà, dêh char Quảng Ngãi – jing bơngai lơ\m minh unh hnam ‘nao klaih đơ\ng hin dơnuh tơroi: “Gơnơm đei tơdrong tơgu\m đơ\ng Đảng, Teh đak, jơnu\m pơgơ\r tơring, unh hnam inh hlôi đei axong ăn minh pôm rơmo yo\ng. Anih mong jên tơgu\m tơpôl adoi axong to\k io\k đei 10 triu hlj kla lơ\m 5 xơnăm. Rơmo yo\ng chông kon minh xơnăm minh kon, rong lơ\m 6 - 7 khei noh te\ch đei 10 triu hlj. Atu\m hăm noh, unh hnam inh oei pơtăm hơ[o, [um [lang, ‘long keo; rong rơmo, ier, bip, nhu\ng. Gơnơm đơ\ng noh, mă lơ\m 2 xơnăm, unh hnam hlôi kla đ^ hre ăn Anih Mong jên tơgu\m tơpôl păng pơtoi to\k io\k dơ\ng. Dar deh, tơdrong erih unh hnam đei [ôh to\k [iơ\. Adrol ki, unh hnam erih lơ\m hnam gia hyăh hyok chơne\ng teh mă lei dang ei hlôi đei hnam man kơjăp ‘lơ\ng, xă 100m2, đei kơjă 100 triu hlj”

Kiơ\ tơroi đơ\ng Anih tơm Axong jang, Linh j^ rơka păng Tơpôl, xơnăm 2019, anih mong jên Trung ương axong ăn Tơdrong tơchơ\t jang kơ teh đak găh tơjur hin dơnuh kơjăp noh hloh 10 rơbâu 400 tih hlj. Atu\m hăm noh, jên mong Trung ương pơtoi axong jên vă jang kiơ\ pơkăp tơgu\m ăn unh hnam hin dơnuh nhen tơgu\m găh y te#, pơtho ho\k pơhrăm, hnam oei, to\k io\k jên hăm jên cheh to\ xe\t, hơto\k choh jang xa păng jang găh bri, tơgu\m hơto\k pơm jang, pơjing um ru\p jang tơjur hin dơnuh, tơgu\m găh luơ\t teh đak...

Hơdăh hloh noh găh hnam oei, tơdrong vih vơ\t, truh dang ei, ja#p teh đak hlôi hơmet man kơ rơbăn to\ hnam oei ăn bơngai hin dơnuh, xut le# hnam oei tơdăng tơ\ rim thôn, pơlei; 100% tơring kon pơlei kon kông, tơring groi kông đei trong nơnăm đơ\ng dêh char truh apu\ng, xăh. Đei hloh 1 triu 900 rơbâu unh hnam hin dơnuh păng dôm bơngai mă teh đak tơchơ\t tơgu\m nai đei axong to\k io\k jên đơ\ng Anih Mong jên tơgu\m tơpôl, axong tơdrong jang ăn je# 270 rơbâu ‘nu bơngai jang. {ok Phan Thanh Bình, Kơdră Anih jang Joh ayo\, Pơtho ho\k pơhrăm, Hơdruh tơdăm, Hơ ioh rơchong păng Hơ ioh ie\ kơ Kuôk ho#i pơtruh nơ\r: “Kăl tơre\k truh tơdrong vei xơđơ\ng tro\ [lep hăm joh ayo\ kơ kon pơlei kon kông păng cham char erih kơ kon pơlei kon kông găh đunh đai. Tơdrong mă âu noh kăp g^t. Oei ưh, tơdrong mă bơ\n hơko\m kon pơlei, man hnam, ming man tơdrong kăl ưh kơchăng kơnh gô jing tơdrong mă bơ\n pơm plei tơm bơngai tơring kơda#m tơ\ tơring groi kông noh gô tơnap tôch tơnap. Păng tơpă dang ei inh năm truh tơring Tây Bắc noh inh đei tơroi akhan tơ\ âu noh tơring kon kông âu, tơring kon kông to mă lei hơlen lăng tơtă nhen plei kơdra#m hmă tơ\ tơring tơmăn đe\ch”.

Atu\m hăm noh, dôm anih jang mu\k drăm, Anih jang dơnơm kơ Teh đak păng anih jang mu\k drăm hlôi tơgu\m ăn 61 apu\ng hin dơnuh. Dôm tơdrong tơgu\m ako\m lơ\m tơdrong xut le# hnam hyăh hyok, man hnam trưng ho\k, hnam ho\k oei hadoi kon pơlei rong ‘me, pơtho tơdrong jang, ming man anih jang y te#...

Mă lei, lơ nơ\r tơgop akhan, tơdrong tơjur hin dơnuh [ôh hơdăh mă lei tam mă tơtenh păng ưh đei xơđơ\ng. Dôm tơring tơbang hơdăh, hăm tơdrong tơgu\m đơ\ng teh đak, dôm anih jang, kon pơlei đei hnam oei kơjăp ‘lơ\ng, mă lei lơ\m hnam ưh đei yă kiơ ôh, thoi noh jing tam mă pơm kiơ\ đei tơchơ\t tơjur hin dơnuh tenh păng xơđơ\ng. {ok Bùi Sỹ Lợi, Pho\ Kơdră Anih jang găh dôm tơdrong đei [ôh lơ\m tơpôl kơ Kuôk ho#i ăn tơbăt: “Dang ei tơdrong jang tơjur hin dơnuh bơ\n jang tam mă kơjăp. Kơso# unh hnam hin dơnuh hơnơ\ng lơ\m 4 unh hnam klaih đơ\ng hin dơnuh noh đei 1 unh hnam chih măt tơmơ\t lơ\m unh hnam hin dơnuh. Lơ apu\ng hin dơnuh oei lơ unh hnam hin dơnuh hloh 60%. Điện Biên, Yên Bái apu\ng axong tơdrong jang 30a noh adoi eoi đei hloh 60%. Inh oei xơkơ\t minh tơdrong mưh bơ\n jang ưh đei ako\m lơ\m dôm tơdrong hin dơnuh tơm, ưh đei ako\m jơhngơ\m mu\k drăm, pơm jang ưh đei tơm rơh, jang pơklaih thoi âu noh kơso# unh hnam hin dơnuh rim xơnăm kơ kon pơlei kon kông gô to\k lơ”.

Tơdrong pơm kiơ\ Tơchơ\t jang tơjur hin dơnuh kơjăp mă đei io\k jơnei hơdăh, cho\ng mă duh lơ tơnap tap oei [ôh. Yuơ noh, khei năr truh, kăl tơplih trong tơre\k jang, tơle\ch tơgu\m, tơchơ\t hơlen... vă tơroh dôm tơdrong jang, rim anih jang, bơngai jang vă pơjing jơhngơ\m pran atu\m tơgu\m bơngai hin dơnuh găh trong erih jang xa, xut le# hnam hyăh hyok, hơto\k tơdrong erih ăn bơngai hin dơnuh.

Atu\m hăm noh, hơto\k pran tơdrong jang kiơ\ đei jơnei Tơchơ\t đơ\ng Thủ tướng Teh đak găh tơdrong Tơle\ch pơlong: “Ja#p teh đak atu\m jơhngơ\m kơyuơ bơngai hin dơnuh – Ưh đei prơih le# tơ\ ro\ng hăm bơngai yơ ôh” vă hơto\k tơroi pơtho vă pơjing tơdrong tơplih hơdăh găh đon kơche\ng đơ\ng dôm jăl jang kơ Đảng, jơnu\m pơgơ\r tơring păng lơ\m tơpôl kon pơlei.

‘Nguaih kơ noh, kăl pơih xă jang hadoi lơ\m tơdrong tơle\ch pơm kiơ\ Tơchơ\t tơjur hin dơnuh kơjăp hăm dôm anih jang apu\ng plenh teh, hăm lơ păh, [ar păh păng dôm anih jang tơgu\m nai vă tơroi tơbăt kơtơ\ng ang păng tơdrong hlôh vao, atu\m hăm noh pơgenh io\k tơdrong tơgu\m găh kih thuơ\t păng jơhngơ\m pran vă pơm jang đei jơnei dôm tơdrong hlôi Tơchơ\t jang.

Lan chih păng rapor