VOV4.Bahnar - Pơgê năr 4/8, Radiô Nơ̆r Pơma Việt Nam jang hơdoi hăm Kŏng ty Tơmam drăm sa păng đak ‘ngam JOY iung jang Tơdrong jang “Vang tơgum djru ‘mêm mơnat-Yak hơdoi tang găn jĭ hơbŭh” tơ̆ pơlei tơm Hải Phòng.

Tang măt ăn Hơnĭh tơgŭm djru păng Bơngai chĭh kơtơ̆ng ang Radiô Nơ̆r Pơma Việt Nam pôk tơmam drăm tơgŭm ăn tơ̆ MTTQ quận Ngô Quyền

Tơ̆ Hải Phòng, tơdrong jang au ‘măn 500 kĭ phe pôk ăn rim ŭnh hnam tơnap tap, đei răm đơ̆ng jĭ hơbŭh Covid-19 tơ̆ phương Máy Chai păng Vạn Mỹ (quận Ngô Quyền); pôk 7.400 tơnô̆ đak ‘ngam ăn rim hơnĭh gak tang găn jĭ tơ̆ apŭng An Dương. Yă Đinh Thị Lương, Kơdră chĕp pơgơ̆r Hơnĭh Pơrô̆ pơrôp, Kơdră chĕp pơgơ̆r Dơnŏ anĭh Mặt trận Tổ quốc Việt Nam quận Ngô Quyền tơbăt, dôm tơmam drăm, jơhngơ̆m đon ‘mêm mơnat đơ̆ng Radiô Nơ̆r Pơma Việt Nam păng rim khŭl hlôi hơlêm kơtang ăn kon pơlei sơđơ̆ng jơhngơ̆m lơ̆m dôm năr đei jĭ hơbŭh.

Tơblơ̆ nơ̆r: Amazưt