VOV4.VOV.VN - Tỉnh Ninh Thuận daok dui pachreih dom danak dak “đầu tư thứ cấp” dalam dom labik, dom cụm ngak kong, daong ngak jeng prein khang ka kinh tế di tỉnh. Dalam nan, tỉnh pataom tame jhul samar bruk padang ngak hạ tầng, ba mbuan lagaih ka dom urang buh jien tame peih ngak danak dak.

VOV4.VOV.VN - Di ban Cần Thơ, jaik di ini bruk njaom HIV dalam dam dara, urang daok ranaih mboh tagok glaong, hu rilo adei umo bahrau 14-15 thun. Tapa nan, gah y tế Cần Thơ hu jhul khang bruk pathau khan pacang caga HIV di dom sang bac. Gam haong nan, daok brei peih rilo labik tacei pato saong dut iek HIV piah ka dom anek saih saong sinh viên hu mbuan lagaih piah hu tacei pato brei thau ka ruak.

VOV4.VOV.VN - Di huyện Bắc Yên, tỉnh Sơn La, dom thun jaik di ini, bruk anek saih oh ka ginup umo thun, oh hu harak adat peih nduac radaih min daok peih nduac radaih mac nao bac, oh tuak me-om tamo bảo hiểm, pajeng 3, peih nduac samar, lạng lách đánh võng… lac bruk bhian mboh. Hu rilo bala angaok jalan nao mai pambuak tal anek saih. Piah patrun patakik bruk ini, Công an huyện Bắc Yên daok pambuak bruk haong dom sang bac jhul khang bruk pathau khan, pato pakai, brei thau adat hukum nao mai angaok jalan ka dom adei anek saih.

VOV4.VOV.VN - Urang ngak di Bình Dương hu yaok rabau sahneng duah bahrau dalam bruk ngak, ba mai kein laba ka doanh nghiệp yaok ratuh tỷ đồng. Dom “baoh bingu” dalam bruk pakacah gauk “ngak bruk naih joi, ngak bruk hadah krah” di tỉnh Bình Dương jeng hu dom pakat, dom gah, dom doanh nghiệp mboh, thau, pok meyaom. Meng nan, pachreih bruk bac ta-a, sahneng duah di urang ngak, salih ka bruk tok thau ngak dom bruk ba tabiak.

VOV4.VOV.VN - Salih bahrau jalan ngak saong asal kadha pathau khan, lac sa dalam dom jalan ngak di huyện bhum ceik Nam Đông, tỉnh Thừa Thiên Huế piah paglaong siam lagaih bruk pathau khan, pato pakai saong patagok hatai sahneng ka salamat tuk nao mai angaok jalan ka anek saih dalam tỉnh.

VOV4.VOV.VN - Rilo sang iek ruak, bilai y tế di bhum ĐBSCL daok laik tame bruk kurang darah. Tapa nan nyu ngak kan kandah tal bruk cấp cứu saong taong ruak ka urang ruak, dalam nan hu ban Cần Thơ.

VOV4.VOV.VN - Urak ini jalan mbak nao mai di bhum ceik tỉnh Bình Thuận hu siam jang biak rilo, daong ka bruk nao mai di bhap bini hu mbuan lagaih jang. Min oh lac yau nan bo dom kan kandah di gru pato bhum glaong labik ini trun hanjul. Piah ba ilamu, akhar haroh tal anek saih bhum atah bayah, dom cei gru, anai gru di bhum glaong Bình Thuận daok kham merat yam tapa, oh huac rambah rambup, glaih glar.

VOV4.VOV.VN - Mblang bein sang bac di bhum glaong Ninh Thuận hu bui sambai chreih chrai jang tuk dom sap yava di alat ragam Mã La hu dom anek saih me-in biak gheih. Hadei di rilo thun peih bruk ba Mã La tame sang bac, langiu di bruk ngak jeng mblang me-in siam lagaih, khang kadang ka anek saih, nyu daok hu rik daong khik ramik, patagok ilamu siam mekre meng kan di urang bangsa Raglai.

VOV4.VOV.VN - Dom thun tapa, pamaong tal pahadar 93 thun harei MT negar Việt Nam (18/11/1930 - 18/11/2023), gam haong abih labik dalam tỉnh Ninh Thuận, dom labik rahra daok dalam huyện Ninh Phước chreih chrai peih ngak Harei Jumpataom abih bangsa. Ini biak lac Harei roya piah ka rahra di dom labik daok patui jalan patagok bruk jumpataom, pakacah gauk ngak mbang, pala drak, daong ba gauk saong sa hatung hatain haong gauk dak padang palei pala bahrau.

VOV4.VOV.VN - Việt Nam ba tabiak jalan ngak lac, tal thun 2030 meda dang tame Top 5 di dunya ka bruk ngak tabiak vi mạch điện tử. Min, piah ngak hu bruk ba tabiak ini, brei hu tal 50.000 kỹ sư, chuyên gia, dalam tuk nan, urak ini kol drei bahrau hu labaih 5.000 urang… Yau nan, ngak habar piah ngak hu bruk ba tabiak?