Hadei di tuk pacadu bruk pa-atah di gauk, menuac sia di ban raya HCM hu mai veik ngak bruk dalam siam mekre bahrau. Yau nan min, rilo amaik ame oh ka abih chreih chrai ye pabak tame dom duh hatai ka bruk bac online di anek bhik tuk oh hu menuac daong iek glang. Vũ Hường haong Trịnh Giang, urang vak di rayo sap ndom VN daok di ban raya HCM hu kadha vak ka bruk ini:

Tỉnh Đồng Nai daok pasang iek hu jit COVID-19 saong daok pasiam viek bruk kinh tế. Tukvak ini, urang nong di huyện Tân Phú, tỉnh Đồng Nai daok pasiam bruk pala drak hadei di sa tukvak suai lavik biak glaih glar kayua jit ruak. Ini lac asal kadha hu ndem tal dalam kadha vak di urang vak Duy Phương, daok di ban raya HCM. Daa mikva saong taong abih gauk tui pang:

Meng thun 2019, huyện Bác Ái, tỉnh Ninh Thuận peih ngak iek bruk ngak padai angaok mblang hamu prong akaok mereip di xã Phước Chính. Labaih 2 thun tapa, năng suất padai gam gam tagok, daong ka bhap bani Raglai pak ini salih bhian randap pala drak sit sot. Meng nan, mikva thau pandar ilamo khoa học, kỹ thuật tame bruk pala drak, paglaong jien mek tame, grap tanat rai diuk. Kadha vak di Minh Triều, urang pambuak bruk haong Rayo sap ndom VN daok di ban raya HCM:

Thun 2021 lac thun ka 9 peih ngak Harei Hukum negar Việt Nam tui jalan di Hukum brei thau, pato pakai adat hukum. Hadei di 9 thun peih ngak, Harei Hukum negar hu rik daong paglaong hatai sahneng pan njauk tui adat hukum ka yaok kapul nyaom, menuac urang yau habar saong piah ka Harei Hukum negar dak harei dak hu siam, lagaih, brei hu dom jalan ngak hagait di anak tal? Ini lac asal kadha hu ndom tal dalam kadha vak di urang vak di rayo sap ndom VN. Da-a mikva saong taong abih gauk tui pang.

Mai veik haong rai diuk siam mekre bahrau hadei di tukvak pa-atah di gauk meng mbang tamuh jit ka 4, dom doanh nghiệp daok dang anak rilo kan kandah. Trak damak gah jien padai, kurang phun jien, kurang urang ngak nan ye rilo doanh nghiệp oh ka ngak veik hu abih pren ngak di drei. Dom urang ilamu gah kinh tế hu panuac lac, piah daong pasiam veik ka dom doanh nghiệp hadei di jit, brei hu bruk ngak samu gauk, kein lagaih, ngak brei yau gauk, peih ngak hu sarak. Kadha vak di Nguyễn Hằng brei thau ka bruk nan.

Tui bruk pan akaok ba jalan di Đảng ba kaok kayua V.I.Lenin dang akaok, bol bhap rahra Nga hu ngak jeng sa bruk tatuan megei dunya tuk taong jaleih chế độ quân chủ chuyên chế, padang Karja Xô-viết tui jalan bahrau di dom urang ngak nong, menuac ngak kong:

Urang likei dam anit taneh ia angan Nguyễn Ái Quốc taduan mek, nao tui chủ nghĩa Lênin, nao tui jalan di Cách mạng Bilan 10 haong hatai caong piah peih paha bangsa drei saong dom bangsa njauk kateik greik karei angaok dunya. Blaoh meng bruk pilih ruah di Nguyễn Ái Quốc hu pambuak pagam Cách mạng Việt Nam haong Cách mạng Bilan 10, haong taneh ia Nga saong peih tabiak jalan ka talei rohim siam mekre, khang kajap di Việt Nam haong Liên bang Nga. Kadha vak hadei ini, hu daong ka kol drei thau cambaih jang ka bruk ini:

Hadei di 2 bilan pato - bac tui jalan online, gru pato saong anek saih dom sang bac dalam ban raya HCM hu bac salah danak dak meteh học kỳ 1. Gam haong bruk pato bac, dom cei gru, anai gru daok jeng dom ayut sahabat klah rabha bui sambai atau duh hatai haong anek saih, abih di nyu lac dom adei hu gauk gar lahik kayua Covid. Kadha vak di Thu Tâm – urang vak di báo SGGP brei thau panuac di dom urang pato pakai saong chuyên gia tâm lý ka bruk daong dom adei yam tapa dom pandik harao hadei di jit Covid-19 :

Mbang giao dịch bruk ngak tapak angaok mạng bhum taneran kraong Cuu Long – TP HCM – Bình Dương rah tabiak di puac bilan 10 meng blaoh pak Cần thơ dui pachreih hu 31.000 urang ngak. Tapa bruk ngak di mbang Giao dịch, dom urang palih ruah hu taom gaok saong palih ruah hu urang ngak tui hatai caong khin. Bruk ini dak hu makna jang tuk bo biak rilo mikva gilac veik puk palei meng bhum jit tukvak tapa daok dang anak kan kandah haong kadha duah bruk ngak hadei di tukvak pa-atah di gauk. Hồng Phương haong Nhật Trường, urang vak di rayo sap ndom VN daok di bhum taneran kraong CL hu kadha vak brei thau ka bruk ini:

Dalam tỉnh Ninh Thuận hu 74 HTX. Tuk vak tapa, Sở ngak nong song patagok palei pala tỉnh Ninh Thuận hu pambuak bruk song dom puk palei padang hu 24 chuỗi pambuak gauk dalam dom HTX piah pabak saong pablei kaya nong ka urang nong. Gam haong nan, dom HTX jeng bhain pambuak gauk song dom doanh nghiệp khik kajap meng bruk ngak tabiak tal bruk pablei kaya nong. Kayua yau nan ye, meng dalam tuk jit Covid-19, rilo urang nong oh dok huac njauk urang blei kateik yaom. Kadha vak di urang pambuak bruk Minh Triều brei mboh labik dang di HTX dalam bruk dong ka urang nong Ninh Thuận pablei hu pandap panda: