Tukvak tapa, bruk sangka, daong ka sang kathaot, sang kan kandah hu MT Negar saong dom kapul nyaom chính trị - xã hội dalam huyện Châu Thành, tỉnh Sóc Trăng ngak hu biak siam, abih di nyu lac daong gah sang daok. Dom baoh sang "takai khang, daning khang, tabung khang" hu daong ka rilo sang kathaot hu labik daok tani tanat, sahanang hatai cakrok kinh tế, yam tagok tani tanat raidiuk. Kadha vak di urang vak Thạch Hồng brei thau ka bruk nan, da-a mikva saong taong abih gauk tui pang:

An Giang lac bhum ngak tabiak padai brah , phun mbang boh song rong pala kaya ikan prong, nan ye hu rilo janih pandap panda kaya nong siam, karei di tỉnh. Piah kaya pandap hu yam atah, An Giang dok patagok bruk daong ngak mbang, pablei salih, xúc tiến thương mại, tagok labik pablei salih online. Tapa nan, rik dong paglaong yaom, ba kaya nong di tỉnh tal tangin urang blei daok dalam song langiu taneh ia. Nan lac, asal kadha hu ndom tal dalam kadha vak di Hạnh Châu di mangaok mbao An Giang:

Mikva urang Cam chreih chrai uan tabuan raok uan harei Kate. Dalam harei ini, hu rilo janih har meng kan bo rilo abih lac har danaong riya, sakaya, tapei nung... oh kurang hu piah ka mikva pok tagok ka po yang ngan haong khin caong ka raidiuk sampurna, siam makre salamat haniem phul. Kadha cih vak di Minh Triều – sa urang pambuak bruk haong danak dak daok di tỉnh Ninh Thuận hadei di ini daong ka mikva saong taong abih gauk thau cambac lac jang:

Thun ini, harei Kate di urang bangsa Cam di 2 tỉnh Ninh Thuận saong Bình Thuận rah peih tabiak dalam 3 harei, meng harei 23 tal harei 25/10. Kate ieu lac harei raya harei praong hu meng kan lavik mai jeng ye ieu lac harei roya siam lagaih ndung bak ilamo di urang bangsa Cam hu makna lac piah pahadar, thau dhar phol tal dom yang mbang saong caong langik hu hajan hangin hu lagaih, ngak padai hu padai, ngak tangei hu tangei… Dom thun tapa, kayua hu bruk sangka di Đảng saong Kanja gam haong bruk kham marat oh padeih padei, oh huac glaih glar di mikva nan ye bruk diukrai hu salih bahrau, kayua yau nan ye harei Kate jeng hu peih biak siam makre, trel sil, haniem phul

VOV4.VOV.VN - Lac sa dalam dom labik njauk kan kandah trak damak di biến đổi khí hậu, bhap bini tỉnh Ninh Thuận tuk halei jeng caga pacang dom bruk jhak abih meda rahtabiak. Piah meda caga dahlau saong lagaih haong langik pandiak, thu lagu luac thun, Kapul urang kumei tỉnh Ninh Thuận hu ba tabiak rilo jalan ngak piah caga pacang biến đổi khí hậu,

Dalam bruk urang nong pakacah gauk ngak mbang, pablei salih naih joi, jum pataom, dong gauk ngak kaya meda, Đồng Nai hu dom kreih camin urang nong sami samar, hadah krah patagok kinh tế; thau sahneng thau ngak, khang hatai ba ilamu kỹ thuật tame bruk ngak mbang pala drak. Song urang hu rik dong tame jak jeng dalam bruk padang ngak palei pala bahrau. Kadha vak di Bình Nguyên mangaok mbao Đồng Nai ndom ka dom urang nong nao dahlau dalam bruk patagok kinh tế, padang ngak palei pala bahrau.

Ong Võ Văn Kiệt lac urang par akaok naih joi, maong mboh atah bo daok lac urang jakar daok jaik haong bhap bini, siam hatung hatai, hu rahra anit ranam. Urang vak Nhật Trường hu kadha vak ndem ka kreih camin njauk iek praong ini

Tukvak tapa, bruk giải tỏa, bayar jien saong tái định cư piah peih ngak dom danak dak jalan mbak nao mai, danak dak pabak ka bhap bini pasiam veik đô thị, hu bhap bini njauk hatai saong pachreih tui. Min yaom taneh mek veik bhian bier jang rilo dut saong yaom di darak pasa ba tal bruk yak bak, abih di nyu nan lac ba gauk tabiak tòa piah lang yah. Nguyễn Quang – Urang vak di rayo sap ndem VN daok di ban raya HCM hu kadha vak ndem ka bruk ini:

Mbang pilih ruah Đại học thun 2022 urak ini hu tamat blaoh. Ini hu maong lac mbang pilih ruah hu rilo salih bahrau gah ilamo kỹ thuật, meng nan meda “lọc ảo” ka rilo jalan pilih ruah. Min jeng hu rilo bruk ba tabiak meng bruk lọc ảo, bruk patabiak adat pilih ruah, ngak ka dom sang bac oh caga dahlau hu, anek saih jeng haduh hatai. Vũ Hường, urang vak di rayo sap ndem VN daok di Ban raya HCM hu kadha vak “Maong iek veik mbang pilih ruah thun 2022, dom bruk njauk pasiam veik”. Daa mikva saong taong abih gauk tui pang:

Piah ba gauk tame kuhria ka urang kan kathaot, oh caik ka urang halei njauk klaak veik gah likuk, tukvak tapa, dom pakat karja di Ban Phan Thiết, tỉnh Bình Thuận kham merat pathau khan, jak ba dom prein khang di rahra piah daong ka urang kan kathaot, dalam nan hu urang Cam daok di phường Mũi Né, rik daong peih ngak hu siam bruk an sinh xã hội. Min, urang Cam di pak ini jeng daok biak caong hu bruk sanka jang di rahra piah ka raidiuk hu salih bahrau saong patagok. Kadha vak di Đoàn Sĩ – urang vak di rayo sap ndem VN daok di ban raya HCM hu ndem ka bruk ini: