Dalam “danak pato pakai phổ thông 2018” TPHCM peih ngak hu 3 thun. Sa dalam dom bruk brei hu tuk peih ngak danak dak lac bac 2 jala sa harei , abih di nyu nan lac haong pakat tiểu học. Yau nan min, urak ini ban raya jeng daok kurang sang bac, kurang tal bac, kurang gru pato saong kurang pandap panda pato bac. Vũ Hường, urang vak di rayo sap ndom VN daok di ban raya HCM hu kadha vak ndem ka bruk ini:

Gam haong bruk pataom tame patruh eik patrun kathaot, pasiam raidiuk bhap bini bangsa, tỉnh Trà Vinh daok biak sangka tal bruk khik ramik, patagok ilamo di bangsa Khmer. Abih di nyu nan lac dom adat cambat meng kan di urang Khmer yau ye Chôl chnăm thmây, Ok om bok, Sen Đôn ta…, karja, kapul nyaom dom pakat tuk halei jeng ba mbuan lagaih di abih ka mikva bangsa Khmer hu mbaok tame, peih ngak ginup asal kadha. Kadha vak “Trà Vinh: daong palagaih piah cak rok patagok dom yaom glaong ilamo meng kan di bangsa Khmer” di Thạch Sa Oanh, urang vak di rayo sap ndom VN daok di bhum taneran kraong CL. Daa mikva saong taong abih gauk tui pang.

Dom thun tapa, bruk pala njauk, laik yaom ngak ka rilo urang nong gaok rilo kan kandah dalam bruk ngak saong duah jalan pablei pandap panda. Kayua yau nan ye, Pasak pachreih nong Ninh Thuận hu brei urang jakar nao tal labik saong peih ngak rilo bruk daong ka urang nong pala, ngak dom pandap panda karei di tỉnh Ninh Thuận hu chất lượng saong pambuak haong darak pasa pablei kaya nong ka urang nong. Jalan ngak ini oh lac daong ka urang nong sanang hatai ngak mbang, pablei salih bo daok paglaong chất lượng pandap panda kaya nong di darak pasa. Kadha vak “pachreih nong – talei pambuak di pala, ngak saong darak pasa” di Minh Triều, urang pambuak bruk haong danak dak daok di Ninh Thuận hu daong ka mikva saong taong abih thau cambaih ka bruk ini.

Xòe – Inem krung ilamu phi vật thể lambaok di menuac sia dunya hu tamia di dom puk palei di urang Thái, rilo meng lac di 4 tỉnh: Yên Bái, Lai Châu, Sơn La saong Điện Biên. Meng dom saman ini mai, urang Thái tuk halei jeng ba gauk tame khik ramik ilamu siam mekre ini. Kadha vak di urang vak di rayo sap ndom VN ka bruk Tây Bắc khik ramik, patagok inem krung xòe Thái.

Lac bangsa takre ragu daoh, ragam tamia bangsa, urang Thái daok di Tây Bắc taneh ia drei hu angan haong ragu xòe – sa janih tamia meng kan hadah krah. Ragu tamia ini dreih yau lisei huak, yau ia menyum, jeng talei rohim pambuak pagam menuac sia, brei mboh ilamu di urang Thái saong lac jalan piah sahneng duah rilo jang dom yaom glaong ilamu bahrau. Da-a mikva saong taong abih gauk pang kadha vak “Xòe Thái: Suan yava ilamu di urang Thái bhum Tây Bắc” di Đinh Tuấn – urang vak di rayo sap ndom VN daok di Tây Bắc piah hu thau jang ka inem krung ilamu phi vật thể lambaok di menuac sia dunya ini: Đọc bài 1

Labik ngak lan Hưng Lợi – lac inem krung pakak negar hu umo 300 thun, daok dalam phường 16, quận 8, hadei di 24 thun hu kuac rok tagok, tal urak ini daok jeng labik khut tayah tuk njauk bhap bini ngak palai pajoa biak khang. Bahrau ini, di mbang pasang iek ka khik ramik inem krung saong mbaok meta đô thị di ban, HĐND TP.HCM brei thau lac, ngan haong labik ngak lan Hưng Lợi, bruk samar drah lac khik ramik, ngak pasiam veik inem krung. Kadha vak di urang vak di rayo sap ndom VN daok di ban raya HCM brei thau ka bruk ini, daa mikva saong taong abih gauk tui pang:

Atah di ini 77 thun - harei 23/9/1945, thực dân Pháp patuh phao taong tame Bai Gon, khin mai veik meblah mek taneh ia drei. Mala bruk pan akaok ba jalan di Trung ương Đảng haong Chủ tịch Hồ Chí Minh, bhap bini Nam Bộ sa hatung hatian haong gauk, khang hatai ba gauk dang tagok, peih tabiak blah sajarah oanh liệt bahrau, lac: Nam Bộ kháng chiến. Bruk dang tagok mesruh pacang thực dân Pháp mai meblah veik taneh ia drei di bol bala saong bhap bini drei dalam dom harei camereip di Nam Bộ hu makna biak praong, taong biak khang tame âm mưu taong samar, jayah samar di kol khamang, rik daong praong tame bruk mesruh khik kajap karja bhap bini, chủ quyền saong độc lập bangsa. Kadha vak di Ngọc Sơn mangaok Báo Quân đội bhap bini brei mboh dom kadha bac megru hu meng bruk Nam Bộ kháng chiến. Da-a mikva saong taong abih gauk tui pang:

Urak ni, hu oh takik boh sang urang nong dok di tỉnh Bình Thuận dok ngak po tư liệu sản xuất meng bruk pandar công nghệ số. Meng nan, pandap ngak nong oh lac hu paglong gah chất lượng, rilo jalan pablei bo hatai sahneng ka bruk ngak di urang nong jeng tui hu bruk di saman bahrau. Kadha vak di Bảo Ngọc hu ba tagok mbao Bình Thuận hu ndom ka bruk ni. Daa mik va song tong abih gauk tui pang:

Dom thun dahlau, drak pasa urang ngak puac thun di Bình Dương biak chreih chrai, min thun ini doanh nghiệp gaok kan kandah njauk brei urang ngak padeih meneing, ngak ka rilo urang ngak laik tame jalan oh hu bruk ngak. Piah hu jien kuhria ka rai duik, urang kham nao duah bruk ngak, min nao tal rilo labik jeng oh duah hu bruk ngak. Thiên Lý, urang vak di rayo sap ndom VN dok di ban raya .HCM hu kadha vak brei thau ka bruk ni.

Bahrau ni, Ấn Độ oh brei pablei tabiak dom janih brah di negar ini, meda ngak brei yaom brah di dunya tagok glong . Abih di nyu nan lac, di bhum padai brah miền Tây, meng doanh nghiệp tal urang nong jeng bui sambai. Kadha vak di nyaom urang vak di rayo sap ndom VN daok di bhum taneran krong CL hu ndom ka bruk ni, daa mik va song tong abih gauk tui pang: