Pathau mik va song tong abih gauk! Tal tuk vak ni, urang njauk ruak sởi di TPHCM dok trun min trun biak suai song dok mbuan njom bak dalam bhap bini. Bruk bhap bini palih ruah klauk jru di dịch vụ piah pacang caga ruak sởi lac bruk njauk ngak dalam tuk jit ruak dok rah tabiak yau urak ni. Min bruk klauk jru sởi di dịch vụ dok rilo tavak tavaiy njauk samar pasiam veik, piah pabak ka bruk klau jruk, patrun bruk njauk ruak. Kadha vak di Kim Dung, urang vak di rayo sap ndom VN dok di ban raya TPHCM hu ndom tal bruk ni :

Pathau mik va song tong abih gauk! Yam tapa dom kan kandah dalam rai duik, song dak harei dak brei mboh ka rup drei , rilo urang kamei khang hatai nao tui hatai takre di drei piah hu ba drei tame yaok harei haniem phol. Tuk hu haniem phol dalam hatung hatai, urang klah rabha dom siam mekre nan tal bhap bini meng rilo bruk karei di gauk.jalan pabam haniem phol ni hu Mỹ Dung, urang vak di rayo sap ndom VN dok di ban raya HCM ndom tal tapa dalikan chreih chrai di urang kamei siam binai Việt Nam 2017 H’Hen Niê, blogger du lịch Đinh Hằng atau tác giả Trương Lê Na – dom urang kamei khin salih bahrau , khang hatai yam tagok piah gaok tal tanut njauk hadar dalam rai duik. Daa mik va song tong abih gauk tui pang

Pathau mik va song tong abih gauk: Bahrau ni, UBND huyện Phú Quốc (tỉnh Kiên Giang), kapul ngak ia mesin huyện Phú Quốc song 2 urang roh duah ka ia mesin lac TS. Trần Thị Dung song chuyên gia Vũ Thế Thành hu var ndom biai ka bản dự thảo TCVN 12607: 2019 - Quy phạm peih bruk ngak ia mesin kayua Cục Chế biến song patagok drak pasa kaya nong (Bộ NN&PTNT) dang tabiak biên soạn dok ngak ka menuac sia mboh suh sah dalam dom harei tapa. Urang vak Lam Hiếu hu kadha vak brei thau ka bruk ni

Ao tah nyu gheih mekre, gam pachreih hatai urang maong iek gam pacang sir di urang kumei Việt Nam. Rah tapa rilo tukvak trun tagok, tui bruk xã hội di dom tukvak sajarah karei di gauk saong bruk salih karei dalam thiết kế, ao tah jeng daok gheih mekre, daok dui pachreih urang maong iek. Harei ini, ao tah lac blah ao meng kan, hu maong lac quốc phục di urang kumei Việt Nam.

Harei ini, lac harei puac abih di Harei pataom ao tah TP.HCM mbang ka 6 thun 2019. Dalam 2 adit meng bloh, hu biak rilo bruk hu gah du lịch saong dom quận, huyện dalam ban raya peih ngak piah pok meyaom bruk gheih mekre di ao tah.

Dalm tuk rilo bhum palei dalam negar daok having akaok duah jalan xử lý hareik hareim rorah hu meng bruk ngak mbang huak yaok harei, ye di dom puk palei dalam tỉnh Quảng Ngãi, bhap bani hu padang ngak ghing xử lý harak hareim rorah di sang. Jalan ngak ini biak siam lagaih, langyah hu dom hareik tuh tabiak môi trường di dom labik daok. Kadha vak di urang vak Phương Cúc daok di bhum kreh Negar ndom ka jalan ngak njauk pambak prong ini:

Urak ini, daok lac tukvak tabung glaong di bilan thu, langik pandiak bhang dui atah, độ ẩm biar; taphia di nan, ini jeng lac tukvak bhap bani ba gauk nao baha, nan ye labik mbon ceik dalam tỉnh An Giang mbuan si rah tabiak khuah. Kayua yau nan ye, bruk pacang caga khuah daok hu dom pakat karja, dom gah chuyên môn di tỉnh pataom tame peih ngak. Urang vak Phan Ánh hu kadha vak ndom ka bruk ini.

Meng hatung hatian di umo daok ranaih, dom y, bác sĩ Kapul gru jru ranaih umo tỉnh Đắk Lắk hu rilo mbang halan hatian nao tal dom puk palei atah bayah piah iek ruak, brei jru, alin hadiah pandap ka bhap bini. Yaok mbang nao nan lingiu di bruk caik veik dom siam mekre dalam hatai bhap bini, daok lac tuk piah ka dom bác sĩ ranaih umo pataom hu ilamu, mboh hu bruk di urang gru jru yau Yuan lac “lương y như từ mẫu”.

Dalam tuk ban klak Hội An, tỉnh Quảng Nam daok “quá tải” kayua hu biak rilo tuai damuai mai ri-vang ma-in ye Khu inem mek Mỹ Sơn, huyện Duy Xuyên jeng hu mbang tui kein laba biak rilo meng bruk pambuak gauk gah du lịch. Thun tapa, Khu inem mek ini taduan raok hu labaih 350 ribau tuai damuai mai rivang ma-in, jien mek tame hu jaik 60 tỷ đồng. Bruk bo karja saong gah chức năng labik ini sangka nan lac ngak yau habar piah khik takai tuai damuai daok suai lavik jang ngan haong Mỹ Sơn. Kadha vak di urang vak Hoài Nam saong Tuyết Lê, urang vak di rayo sap ndom VN daok di bhum kreh negar:

Oh thau adat hukum, kurang kỹ năng, kiến thức nan lac dua makna daok ba tal bruk rilo anek saih mbuan yam tame bruk taong paoh gauk dalam sang bac, xâm hại tình dục dalam tukvak urak ini. Kadha ini jeng brei mboh bruk mbuan phạm tội di uranaih sit vị thành niên. Tuk oh thau yau habar lac ngak suan adar hukum, umo halei njauk chịu trách nhiệm hình sự, rilo adei oh thau lac drei ngak suan adat hukum, oh thau lac bruk ngak nan meda palai pajoa harei hadei di drei. Kadha vak di Mỹ Dung, urang vak di Rayo sap ndom Việt Nam daok di bal raya HCM hu ndom tal bruk ini: