Hadei di bruk radaih ginuh angaok jalan biak trak di Long An ngak 4 urang metai saong 18 urang njauk rambuis, manuac sia hu ndom rilo tal urang peih radaih Phạm Thành Hiếu, abih di nyu nan lac tuk urang peih radaih ini hu dương tính haong ma túy. Bruk Hiếu pandar ma túy jeng brei mboh sa kandauk dalam di bruk peih radaih trọng tải trak saong peih radaih jalan atah, nan lac bruk mbuan ba tal pandar jru kích thích, chất ma túy piah ngak brei hadah meta, oh teik vah. Meng bruk ini nyu ba tal rilo pandik harao ka menuac sia. Việt Đức saong Tiến Dũng, urang vak di rayo sap ndom VN daok di bal raya HCM hu kadha vak: Ngak habar piah ka urang nghiện ma túy oh peih radaih? Daa mikva saong taong abih gauk tui pang.

Tây Nguyên- Bhum tanehbak ceik glai praong min daok rah tabiak sa bruk lac bhap bani daok kurang taneh pala drak. Yaok pluh ribau baoh sang daok caong khin hu taneh piah pala drak min oh ka pabak brei hu. Ini lac sa dalam dom makna ba tal kathaot rambah di bhap bani saong ba tal bruk jah tak glai jeng yau ngak srau dhau tal puk palei. Kayua habar bhap bani caong khin taneh bo kurang taneh, dom tavak tavaiy dalam bruk khik iek, pandar taneh dalam bhum ini daok di labik halei. Nao duah panuac javap jaleiy ka bruk ini, Công Bắc, urang vak di rayo sap ndom VN daok di Tây Nguyên hu kadha vak ndomm tal bruk ini: ​

Hadei di sa tukvak kandang joa, bruk pablei salih pandap đa cấp daok mai veik tui dom jalan yau ye kinh doanh dom khóa bac ngak kaya meda, buh jien tame dom dự án bất động sản, padang mbang ngui meng plak tangin saoh… Gam saong bruk khik iek catang di dom jabat karja, urang blei pandar njauk caik hatai sangka tal bruk biến tướng di pablei pandap đa cấp. Kadha vak hadei ini di Hà Anh angaok báo Nhân Dân brei thau ka bruk ini:

Dom đặc sản ka bilan Tết Nguyên đán 2019 anak tal hu phun pala, athur raong hu urang ngak nong tỉnh Đồng Nai kuhria caga biak rilo janih, yau ye: menuk Đông Tảo, menuk thảo mộc , ikan chép racam, kruac bung hồ lô… Min bruk pakacah gauk ngak đặc sản urak ini oh daok, rilo urang nong urak ini tok ngak đặc sản tuk hu menuac đặt hàng. Tuk oh nduac tui số lượng, urang nong hu tukvak iek glang chất lượng jang ka đặc sản bilan tết. Kadha vak hadei ini di Bình Nguyên angaok harak báo Đồng Nai hu daong ka kol drei thau jang ka bruk raong, pala bahrau, lagaih haong darak pasar:

Dom harei tapa, urang vak di rayo sap ndom VN daok di Bà Rịa- Vũng Tàu hu nao tal dom jabat chức năng tỉnh Bà Rịa - Vũng Tàu piah duah thau ka dự án Cảng Sài Gòn – Thép Việt kayua Công ty CP Thép Pomina 2 ngak po đầu tư, eng drei lam dhar kraong Thị Vải, ngak kan kandah tal labaih 100 ha di dom sang raong kaya ikan. Taong abih dom panuac javap jalei di dom jabat ini, lac: Dự án oh ka hu hồ sơ, oh ka hu taong yaom tác động môi trường, oh ka hu dom pakat hu thẩm quyền brei adat. Kadha vak di Lưu Sơn, urang vak di rayo sap ndom VN daok di ban raya HCM hu ndom tal bruk ini:

Peih bruk pakacah “bol bala rik pren tame padang ngak palei pala barau”, barau ini, yaok ratuh urang jakar, urang lin Trung đoàn 48, Sư đoàn 320, Quân đoàn 3 hu daong ka bhapbini palei Hek, xã Chư A Thai, huyện Phú Thiện, tỉnh Gia Lai panduan ba sang danaok mai palei barau, tacei pato ilamu raong glaong, pala drak, daong ka mikva salih bahrau raidiuk, rik daong kak kajap bruk jum pataom di bol bala haong bhapbini di huyện kathaot dalam tỉnh Gia Lai. Pahadar 74 thun harei padang bol bala bhapbini Việt Nam (22/12/1944 -22/12/2018), Nguyễn Thảo, urang vak di rayo sap ndom Việt Nam daok di bhum Tây Nguyên hu kadha vak brei thau ka bruk ini:

Abih thun 2018, pok jien daong di dom jabat di dunya ka jru ARV iek ruak HIV di Việt Nam meda tamat abih, tuk nan dom bruk brei saoh oh daok. Saong meng harei 1/1/2019, kadung jien BHYT meda daong bayar ginup dom bruk iek ruak HIV/AIDS. Kayua yau nan ye, BHYT lac pilih ruah ka urang njaom HIV hu pandar dom dịch vụ iek ruak. Kuhria tal urak ini, dalam taneh ia hu jaik 90% urang njaom HIV jeng hu thẻ BHYT, min bruk pandar thẻ jeng daok biar kayua daok hu dom tavak tavaiy. Ngak habal piah palahik dom tavak taaiy ini ka urang njaom HIV tuk nao iek ruak di dom libik y tế meng thẻ BHYT? Kim Dung – urang vak di rayo sap ndom VN daok di ban raya HCM hu kadha vak brei thau ka bruk ini:

Tỉnh Bà Rịa – Vũng Tàu daok tame bilan amraik kalu thun 2018 – 2019. Kayua lingik biak siam lagaih yau nan ye năng suất amraik kalu dalam tỉnh tani tanat, meng 3 – 4 tấn sa ha, hu dom beir mek hu labaih 10 tấn/sa ha. Min, tukvak ini yaom amraik kalu daok bair, ngak ka urang pala amraik kalu biak duh hatai. Kadha vak di Lưu Sơn, urang vak di rayo sap ndom Viet Nam daok di ban raya HCM brei thau ka bruk ini:

Pathau mik va ! Tỉnh Tiền Giang urak ni hu tal 8 khu, cụm công nghiệp; labaih 4.500 doanh nghiệp dok ngak bruk ngan song labaih 130.000 urang ngak. Tuk vak tapa, bruk njauk jru mek pandap mbang di rilo ging mbang tập thể di dom doanh nghiệp dalam tỉnh lac bruk njauk khan brei thau, ngak jhak tal pren yava di urang ngak. Kayua yau nan ye, bruk padang ging mbang hacih saat lac bruk bo dom doanh nghiệp njauk caik hatai sangka. Nhật Trường urang vak di rayo sap ndom VN dok di bhum taneran krong CL hu kadha vak ndom ka bruk ni .

Daok jaik dua bilan tra meng tal Tết thun sak pabui 2019 min, urak ini dom sang bein di ban raya HCM daok jar var pasang iek piah bingu hu ba tabiak darak pasar pablei di tuk puac thun. Kadha vak di Tiến Dũng-urang vak di rayo sap ndom VN daok di ban raya HCM: