Oh hu radaih saong menuac sia nao mai bak jalan, dalam ngin, pandiak biak khang, dalam riyak tasik biak praong, langik jeng daok hijao mekre saong dom anek menuac daok pak ini jeng daok hu hatuang hatian chreih chrai anit ranam ka raidiuk. Hu sa palei joa kandang, bak hatai anit ranam gauk saong bak pren diukrai yau nan angaok pulao Trường Sa.

Bilan xuan lac tuk piah pataom mbaok di adei sa-ai, gauk gar dalam sang min kayua hu rilo bruk karei di gauk nan yehu oh takik ayut sinh vien njauk taduan raoik tet atah sang. Caong khin klah rabha dom kurang lahik di domsinh viên mbang têt atah palei, thun ini rilo kapol nyaom, sang bac di Ban raya HCM hu peih ngak rilo danak daong meng pandap panda tal bruk bui sambai. Tapa nan, hu doang ka dom sinh viên cadu hatai thu-uan sang jang tuk mbang Tet.

Yaok thun tuk tết tal mai, thei thei jeng thar var ngak ka bloh bruk puac thun, sang halei jeng kuria puh ramik caga raok tết. Tuk vak thar var, gleih glar ni jeng lac tuk bo drei meda njauk dom janih ruak gah talang khớp, talang kaing pandik pandua, ngak ka bruk raok Tết oh dok bak bui sambai.

Pathau mik va song tong abih gauk! Mbang akaok meti , yaok tấn kaya nong, pandap mbang di urang H’re, daok di huyện Sơn Hà, tỉnh Quảng Ngãi, hu ba tame pablei dalam dom siêu thị di bhum kreih negar. Dom bruk raong glang, sản xuất pabak pandap hacih tui jalan pambuak gauk di huyện bhum ceik ni dok peih tabiak jalan patruh iek patrun kathaot ka mik va bhum glong .Urang vak Vinh Thông, dok di gahh kreih negar hu kadha vak ndom tal bruk nan.

Pathau mikva saong grauk ayut! Dalam dom harei ini, dom gaiy gilai taong chap ikan hadang lingiu tasik atah di Cà Mau daok pataok tame tapen tasik, pajeng ba ikan hadang di mbang nao tasik akaok thun 2019 mai pablei. Yaom lac gaok kan kandah kayua ribuk ka 1 meng blaoh, tukvak taong ikan katut panak veik, min jaik abih dom gaiy gilai mek hu rilo ikan hadang nan ye urang taong ikan biak bui sambai.

Tỉnh Kon Tum hu menuac sia abih tih labaih 520.000 urang ngan saong 53% lac bhap bini bangsa takik. Tukvak tapa, meng rilo jalan ngak gheih, karja xã Đăk Pxi, huyện Đăk Hà, tỉnh Kon Tum patagok hu bruk ngak po di bhap bini piah yam nao khang kajap dalam bruk padang ngak palei pala birau. Tame xã Đăk Pxi tuk ini, meng hu thau hu mboh bruk yam tagok khang kajap di mikva labik ini.

Bruk pala lanh, menyim khan bai lac bruk ngak meng lavik mai hu kak kajap saong raidiuk urang Mông daok xã Lùng Tám, huyện Quảng Bạ, tỉnh Hà Giang. Tui nan, HTX lanh Lùng Tám hu padang tabiak saong ngak bruk oh lac rik tame bruk khik ramik saong ngak brei patagok bruk ngak meng kan di bangsa Mông,bo daok duah hu jien ka dom adei sa-ai kumei, ngak brei pandap khan bai hu danei atah.