CHAM.VOV.VN: Salih số lac jalan cakrok oh salih karei hu di saman ini, saong dalam bruk salih số, Rayo sap ndom VN haong bruk ba khau tin samar drah, tantu, cambaih laih, hu rik daong biak praong, jeng prein khang peih ngak bruk salih số hu jak jeng. Kadha vak di urang vak Minh Hường.

CHAM.VOV.VN: Tỉnh Sóc Trăng hu labaih 30% urang bangsa Khmer daok. Gam haong bruk salam uan thun bac bahrau di abih labik dalam taneh ia, harei ini, dom sang bac dalam bhum urang Khmer di tỉnh Sóc Trăng hu taduan raok dom adei anek saih mai bac dalam dom baoh sang bac bahrau praong, mekre. Kadha vak di urang vak Thạch Hồng:

CHAM.VOV.VN: Pak tỉnh nan lac, Long An, Tiền Giang, Bến Tre saong Trà Vinh hu njauk gauk ka labik pambuak pagam peih ngak danak dak jalan radaih tapen tasik di Miền Tây. Dahlau di nan, Mintri Jalan mbak Pajeng ba saong 7 tỉnh dalam bhum taneran kraong CL hu ba tabiak yaom jien buh tame ngak lac 43.000 tỷ đồng ka dom danak dak jalan tapen tasik. Ini lac danak dak hu Rajaei ba tame kuhria ngak meng thun 2010, min caik brei ngak dahlau dom danak dak praong karei, ye urak ini, tal tuk peih ngak danak dak ini.

CHAM.VOV.VN: Dom harei ini, gah pato megru Đắk Nông daok kham merat ba tabiak dom jalan ngak piah jak ba anek saih daok di bhum atah bayah, bhum biak kan kandah nao bac. Gam haong bruk kham merat di dom gru pato, dom sarak daong di Karja jeng daok hu daong siam ka dom sang bac bhum atah bayah khik hu ginup anek saih mai bac, paglaong siam mekre bruk pato saong bac. Kadha vak di urang vak Công Bắc daok di bhum Tây Nguyên:

CHAM.VOV.VN: Bruk patagok sap Việt ka anek saih tiểu học bhum bangsa takik lac bruk biak njauk ngak. Nan ye Sở Pato Megru tỉnh Ninh Thuận hu peih rilo tal bac brei ka anek saih bangsa takik ngak randap haong sap Việt dahlau di tuk tame tal 1. Kadha vak di urang pambuak bruk Minh Triều daok di Ninh Thuận.

CHAM.VOV.VN: Meng peih ngak samu gauk dom danak dak bruk ngak negar, dom sarak di Đảng, hukum di Karja gam haong bruk njauk hatai pachreih tui di bhap bini, urak ini, xã Phú Mỹ, huyện Mỹ Tú, tỉnh Sóc Trăng hu salih bahrau mbaok mata. Palei pala salih bahrau, raidiuk, bruk ngak mbang, ngak huak di bhap bini hu glaong tagok mboh di anak mata. Kadha vak di Thạch Hồng, urang vak di rayo sap ndom Viet Nam daok di bhum taneran kraong Cuu Long brei thau ka bruk nan:

CHAM.VOV.VN: Dahlau daih, dom mbang padeih lễ rilo harei, dom urang Cam nao bac megru saong nao ngak mbang atah, bhian mai veik sang piah taom gaok amaik ame, adei sa-ai, gauk gar. Dom thun jaik ini, tui bruk salih số saong pandar kong nghe thong tin, nan ye di dom palei Cam dalam tỉnh Bình Thuận, internet hu pabak ginup. Bruk ini jeng hu makna lac bruk atah di gauk di dom menuac dalam sang hu dui katut panak veik.

CHAM.VOV.VN: Huyện Cờ Đỏ, ban Cần Thơ urak ini hu 10 xa, ban sit, labaih 2.200 baoh sang lac mikva bangsa takik, rilo abih lac urang bangsa Khmer. Meng dom danak dak bruk ngak negar saong sarak buh jien tame di Kanja, bhum mikva bangsa takik dalam huyen hu salih bahrau mbaok mata. Kadha vak di Hồng Phương, urang vak daok di ĐBSCL hu ndem ka bruk salih bahrau mbaok mata bhum urang bangsa takik di huyện Cờ Đỏ.

CHAM.VOV.VN: Hadei di yaok bilan padai, rilo adei saai kumei daok pak xã Trần Hợi, huyện Trần Văn Thời, Cà Mau nao blei ameh piah rik phun jien daong gauk yam tagok. Hu dom sang padang ngak hu sang khang kadang; hu sang blei taneh; hu sang brei ka anek nao bac jeng manuac jeng urang meng hu bruk rik phun jien meng ameh. Kadha vak di urang vak Trần Hiếu:

CHAM.VOV.VN: Tal tuk ini, tỉnh Bà Rịa – Vũng Tàu hu 11.223 bruk, 1.488 bruk “Jak ba gheih” di dom gah. Dalam thun 2024, Bà Rịa Vũng Tàu hu 9 bruk “Jak ba gheih” hu pok mayaom saong pilih ruah lac kreih camin hu peih praong dalam ban. Jak ba gheih hu daong ka rahra jia tame karja jang saong daong ka karja jaik taphia rahra jang. Kadha vak di Lưu Sơn, urang vak daok di Ban Raya HCM.