CHAM.VOV.VN:10 kadha hu angan dalam thun 2024 kayua Rayo Sap ndom Viet Nam (VOV) pilih ruah

CHAM.VOV4.VN: -Mikva Cam daok di tinh Binh Thuan urak ini hu labaih 9.041 baoh sang haong jaik 40.000 urang, daok pataom tame 4 xa hu abih tih lac rahra Cam saong 9 palei daok meblak haong bangsa karei; dalam nan, hu daok rilo abih di huyen Bắc Bình. Kayua ilamo bac megru di dom adei sa-ai kamei oh samu gauk, gam haong nan lac adat cambat, nan bruk ndom biai ka kol urang nan pang saong ngak tui lac oh mbuan. Ngan haong bruk ngak Akaok Kapul Urang kamei xa, sa-ai Đặng Thị Duyên daok di xa Phan Thanh saong Kim Nữ Trầm Ngâm daok di xa Phan Hòa, huyen Bắc Bình ngak hu asal kadha nan meng hu bruk sangka, thau ka bruk di drei saong meng asal kadha di drei. Kadha vak di Đoàn Sĩ, urang vak di Rayo Sap ndom Viet Nam hu Jabat di Ban raya Ho Chi Minh:

CHAM.VOV4.VN: -“Raong 6 anek mbang bac tal labik tal dhua, anek bhik thei jeng hu bruk ngak, sang danaok hu padang praong siam laneing lanoi, baoh sang “hu mbang hu ngui”, urak ini gru Thành daok hu daong rilo bruk di palei, di kapul halau janeing…Nan lac ong Kim Ngọc Thành, huyen Bắc Bình, tỉnh Bình Thuận. Kadha vak di Jasi, urang vak di Rayo Sap ndom Viet Nam di TPHCM daong ka kol drei thau tani tanat ka baoh sang gru Thành.

CHAM.VOV.VN- Dom hatung hatai siam gheih saong bruk sangka prong meng urang pal akaok puk palei, dom doanh nghiệp hu ngak jeng bruk sron mbon di labik jalan tapen negar tỉnh Tây Ninh dalam dom harei jaik si raya Tết. Ngan haong bruk ngak di drei saong hatung hatian dharphol pah hala, dom jabat hu jaik gauk peih rilo danak dak ngak dhar phol pahla, alin brei pandap nda kaya mbang Tết, pandap panda kaya bhian pandar, ba mai kadha bui sambai saong caong khin ka dom baoh sang kan kandah. Kadha vak di Giang Phương angaok harak intenet Bangsa saong bhum ceik.

CHAM.VOV4.VN - Dua tinh Ninh Thuan thong Binh Thuan daok khik ralo ilamu kan dahlau di bangsa Cam. Langiu di bimon kalan, rija raya, adat cambat ilamu meng kan, labik ini daok khik 5 janih ilamu bangsa Cam hu brei angan kaya ngui pakat nagar. Urak ini, dua dua tinh daok pataom prein ba tame brei pachreih jirah rivang main iek. Da-a mikva saong abih gauk tui pang kadha vak di Thụy Sĩ, urang rayo VOV di Ban raya Ho Chi Minh khan brei thau ilamu bangsa Cham di dua tinh Ninh Thuan saong Binh Thuan

CHAM.VOV.VN:Patagok yaom dom baoh catua angaok kraong Can Tho hadah tanjak gom manyek tuk melam mai; ngak gheih mekre dua gah tapen kraong Hau Giang atau pambuak pagam haong dom tinh/ban ngak jeng tour labik duh brei ka hatai caong khin mbang menyum saong check-in meng jalan kraong;… lac dom bruk ngak jirah rivang ma-in daok hu Can Tho blaoh, daok peih ngak saong meda patui veik jhul patagok dalam thun 2025. Hồng Phương, Urang vak di Rayo sap ndom VN hu kadha vak ndom ka bruk roh duah pren khang rivang ma-in di ban “Tay Do” ini

CHAM.VOV4.VN: -Danak dak padang ngak palei pala bahrau daok ba mai jak jeng siam mekre di tinh Dak Nong ngan haong dom bhum palei pala salih bahrau, bruk ngak mbang , raidiuk rahra cakrok patagok. Dom pakat, dom gah di tinh Dak Nong daok kham merat ngak tamat blaoh dom bruk ngak ba tabiak dalam vaktu 2021-2025, ngak jeng prein khang ka palei pala di cak rok patagok dalam vaktu patui veik. Công Bắc, sa urang vak di Rayo sap ndom VN daok di Tay Nguyen hu kadha tal bruk padang ngak palei pala bahrau di tinh Dak Nong.

CHAM.VOV4.VN: -Ong Nguyễn Văn Hiền, Akaok palei Cái Mòi, xa Đất Mũi, huyện Ngọc Hiển, tinh Cà Mau tuk halei sa urang hu angan, nao dahlau dalam bruk ngak. Meng nan, rilo thun tapa ong lac sa urang dalam bol bhap mikva bangsa takik. Tuk ong ngak bruk pathau khan, jak ba rahra, abih di nyu nan lac mikva bangsa takik ngak tui dom jalan sarak biak hu mikva njauk hatai. Kadha vak di Trần Hiếu:

CHAM.VOV.VN:Di dom harei ini, rilo baoh kadai sang kuan, di dom labik jirah me-in, labik padeih padei di tinh Binh Thuan hu ngak biak geih piah duh ka hatai caong tut tame di tuai damuai jirah rivang dalam harei No-el. Dak jaik tal harei Yang sinh, bhum palei tapen tasik di ban Phan Thiet, tinh Binh Thuan dak tanriak hadah sambo bar, ngak jeng hatai chreih chrai bui sambai brei ka tuai damuai, dalam nan hu ralo tuai damuai mai meng negar langiu. Harei ini, di harei Noel, da-a mikva saong taong abih gauk duah thau ka bruk raok uan Yang sinh di labik ini tapa kadha vak di Thụy Sĩ

CHAM.VOV.VN- Patrun kathaot hu kajap ieu lac sa dalam dom jalan ngak hu angan makna di tinh Binh Duong. Tuk hu daong, urang kathaot hu ralo kein lagaih daong tame bruk patagok di bhum palei. Kayua yau nan ye, tinh hu peih ngak rilo bruk ngak hadah krah piah daong brei ka urang kathaot brei ka dom janih daong brei patrun kathaot. Kadha vak di Thiên Lý, urang vak di Rayo Sap ndom Viet Nam daok di tinh Binh Duong hu ndom tal bruk ni cambaih laih.