CHAM.VOV.VN-Oh lac sa janih daong khik ramik bruk ngak yau krung meng kal dalau, bruk menyim jih dalah urak ini daok daong brei ka rilo adei sa-ai di xa bhum atah bayah Đưng Knớ, huyen Lạc Dương, tinh Lam Dong duah hu jien mek tame dalam dom tuk daok thaoh lahe; gam haong patui di nan peih tabiak caong takre ngak jeng palei ilamo jirah rivang bhap bini pagam haong bruk padang palei pala bahrau. H Xíu, Urang vak Di Rayo Sap ndom Viet Nam daok di Tay Nguyen hu ndom ka bruk nan.

CHAM.VOV 4.VN: - Mikva Cam di tinh Binh Thuan daok khik rilo drap ar ilamo hu ilamo mbaong mboh haong oh maong mboh, dalam nan hu ilamo pandap mbang biak gheih, abih di nyu nan lac pandap mbang dalam dom harei nyaom pataom bhap bini di bangsa Cam. Pandap mbang dalam harei nyaom pataom di bangsa Cam oh lac dom pandap mbang chiet jien bo nyu maong biak gheih mekre. Urak ini hu dom resort di Mui Ne, Ban Phan Thiet yau ye: Mui Ne Bay, Pandanus Resort…hu ba pandap mbang di bangsa Cam tame dalam dom angan pandap mbang piah duh ka tuai damuai saong hu rilo tuai damuai raok taduan. Kadha vak di Jasi daok di Ban Raya HCM.

CHAM.VOV.VN-Tinh Ca Mau hu ralo kein lagaih brei ka bruk raong hadang – pala padai. Barau Jaik di ini bruk ngak tui jalan sinh thai, siam lagaih jang, daong ka rahra paralo jien mek tame. Kadha vak di urang vak Trần Hiếu di Bhum Taneran kraong Cuu Long.

CHAM.VOV.VN- Urak ini, di TP.HCM pandap panda Trung Quoc oh lac hu mbaok di angaok dom darak pablei salih ndien tu bo daok hu mboh di darak pasar meng kan. Pandap panda Việt daok njauk merak gauk haong pandap yaom lap di Trung Quoc. Kayua habar hu bruk ini? Kadha vak di urang vak di Rayo sap ndom VN.

CHAM.VOV.VN - Bhap bani Bình Dương biak bui sambai tuk taduan mek hu jien tỉ mek taneh ngak jalan vành đai 3 TP.HCM piah gam daong jhul samar tukvak peih ngak danak dak, gam palaghaih piah ka bhap bani hu jien ndo piah kuhria ka rai diuk di drei. Kadha vak di urang vak Thiên Lý daok di TPHCM.

CHAM.VOV.VN - Dakwah pathau khan hukum ka mikva urang bangsa takik lac sa dalam dom bruk hu makna. Di dom labik bhum ceik, rilo thun ini mai, bruk dakwah pathau khan hukum hu peih ngak biak rilo asal kadha, lagaih haong bruk anak mata, paglaong hatai sahaneng hukum ka mikva urang bangsa takik, gam tui di nan jeng jhul khang KT-XH di bhum palei dak harei dak cak rok patagok.

CHAM.VOV.VN - Kayua daok di dom bhum atah bayah, bhum labik nao mai kan kandah, yau nan ye sa binah urang mikva dom bangsa takik di Lai Châu daok di tapen jalan negar kurang nao bac, ilamo sahaneng ka hukum daok bier. Kayua yau nan ye, bruk dakwah pathau khan dom jalan ngak, sarak di Ndang, hukum di Kanja brei ka mikva daok rilo cuang kandah. Tapi Min, meng rilo jalan langyah saong jalan dakwah pathau khan lagaih, dom pakat kanja saong jabat di Lai Châu dak harei dak daong ka rahra hu pambuak haong hukum, thau tantu cambaih hukum saong ngak njauk tui:

CHAM.VOV.VN: Brei thau bruk dakwah pathau khan, pato pakai hukum saong dakwah, jak ba mikva urang bangsa takik saong urang bhum ceik ieu lac sa di dalam dom bruk ngak hu angan dalam dom bruk hu brei jao; tukvak masa tapa, kapul urang jabol khik caga di jalan nagar hu pambuak haong karja di labik piah daong ka mikva paglaong hatai sahaneng ka hukum nagar. Tapa dom bruk ngak ini, mikva di puk palei bhum ceik glaong, bhum tapen negar hu paglaong hatai sahaneng ka hukum saong jia jang dalam raidiuk, rik tame khik caga bruk saron mbon, khik siam makre ka politik, siam makre ka rahra di bhum ceik, bhum glaong:

CHAM.VOV.VN: Jalan patagok bruk ngak tabiak jru cawao di tinh Kon Tum daok ngak ieu lac yau ye taih peih bahmbang truh kathaot di bangsa Xơ Đăng. Tui sarak karja di tỉnh, mikwa urang bangsa tukik dom huyen bhum glaong, yau ye bangsa Mơ Rông, Đăk Glei dan haong Kon Plông hu lagaih brei ka bruk pala phun jru, mboh mek hu jien buh tame, rai diuk mikwa di ini mboh salih barau harei harei. Khoa Điềm, sa urang wak daok di bhum Tay Nguyen hu kadha wak.

CHAM.VOV.VN - Dom thun jaik di ini, langiu di bruk jhul khang cak rok patagok kinh te - xa hoi, dom bhum palei di huyen Ninh Phuoc daok paglaong bruk buh jien tame padang ngak pabak ka dom janih kadha brei ka bruk ma-in padhih sukan. Taphia di nan, dom bhum palei daok jhul khang bruk rahra buh jien tame ngak dom mblang dait balong saong padang ngak Pasak patagok bruk dait balong dalam rahra, dom bruk ngak ilamo ini hu dui pachreih biak rilo brei ka uranaih, dam dara hu mbaok pasram, rik tame cak rok patagok danak dak padhih sukan di palei. Kadha vak di urang pambuak haong danak dak Minh Triều daok di Ninh Thuan