CHAM.VOV.VN - Hadei di pagam, tinh Khanh Hoa hu jaik 300 ribau rahra urang bangsa takik, rilo abih dalam nan daok di dom xa bhum ceik daok rilo kan kandah. Karja Tinh brei thau, patagok karo kajap dom bhum rahra urang bangsa takik ini ieu lac sa di dalam bruk hu makna. Thai Binh, urang ngak bruk di bhum Kreh negar hu kadha ndom mayai ka bruk ini

CHAM.VOV.VN: Di dom harei ini, di grauk bhum palei phum soc, di dom baha dalam palei pala urang bangsa Khmer daok di dom tinh Gah Meraong Negar daok ottanot bui sambai tame harei Sen Dolta. Thun ini, Harei Sen Dolta hu angan praong kayua lac nyu hu anagn tame thu 2025 sajarah, taong inem tame bruk salih praong dalam nagar dalam bruk dak ramik jabat bhum palei taneh ia nagar, peih tabiak jaman uak drei tagok khang catang. Kadha di Ngọc Tươi brei thau tal harei raya praong ini.

CHAM.VOV.VN: Di dom harei ini urang bangsa Khmer daok di Can Tho daok uan tabuan taduan raok Sen Dolta. Dak tuk dak mboh chreih chrai sambai bui, suuh suon mboh ralo baoh sang urang Khmer bahrau daong hu sang bahrau gheih ghang karo kajap. Ini lah ieu lac bruk ngak siam di danak dak daok dang mbang ngui di rahra, daong pakaro paglaong raidiuk rahra bhap bini. Thạch Hồng, hu kadha khan brei thau ka bruk ini:

CHAM.VOV.VN: Di dalam thun 2025, labik tapen negar gah Pei Gia Lai brei hu buh jien tame padang dom sang bac gam daok gam bac pambuak pakat tieu hoc saong trung hoc co so. Ngan haong majam aduk bilik bac, labik daok meteh harei, sang mbang huak, mblang me-in gam haong ndap nda kaya hu samu gauk, dom danak dak ini jeng hu salih taong abih labik bac megru di labaih 9.400 anek saih di 7 xa bhum tapen negar, daong khik tani tanat anek saih bac saong peih tabiak kein lagaih bac megru siam jang ka anek kamuan bangsa takik. Kadha di Nguyên Thảo.

CHAM.VOV.VN - “Nyaom roya urang lambaok vakil Ndang bo dom jabat Ndang pakat nagar mbang ka sa, vaktu 2025-2030 brei hu padang di ban ine Ha Noi di harei 24 saong 25/9/2025, hu mbaok di 299 urang lambaok vakil”. Nyaom roya lac sa bruk chinh tri hu makna di kapul Ndang dom jabat ndom meyai langyah jalan kuhria di Ndang, Karja, jabat Trung uong brei ka roh duah panuac kadha, pato pakai urang jakar, pathau khan, harak mbao ba tabiak, jabat hukum glaong saong Jabat Po negar. Urang ngak bruk di rayo Sap ndom Viet Nam hu kadha ndom ka bruk ini

CHAM.VOV.VN: Meng sa xa bhum ceik daok rilo kan kandah, xa Phú Vinh, tinh Dong Nai hu “salih bahrau” meng danak dak palei pala ngak nong bahrau. Hatang sang danaok jalan mbak praong laneing lanoi, bruk ngak mbang lagaih sahnang brei ka raidiuk rahra hu paglaong cambaih laih. Ini lac bruk karo kajap ka dom bruk cakrok patagok samar jang dalam harei hadei. Kadha di urang ngak bruk di Rayo Sap ndom Viet Nam.

CHAM.VOV.VN- Durian hu brei mboh labik dang di drei dalam dom janih phun mbang baoh hu pala rilo di bhum Taneran kraong Cuu Long dalam nan hu Can Tho, ba mai jien mek tame ka urang ngak nong. Dalam nan hu lac meng tuk darak pasar Trung Quoc peih pambang ka bruk blei tame baoh durian di Viet Nam, ndap nda pablei tabiak cakrok patagok samar drah, ba durian jeng janih hadah di gah ngak nong negar drei. Kadha di Tấn Phong – Urang ngak bruk di Rayo Sap ndom Viet Nam hu jabat di Bhum Taneran kraong Cuu Long.

CHAM.VOV.VN - Lac sa tinh hu rilo urang bangsa takik, tinh Khanh Hoa jeng daok rilo rahra gaok kan kandah ka bruk ngak mbang jien padai. Gam saong mikva, yaom lac tanut jien bac urak ini oh hu rilo, min tuk kuhria taong abih dom bruk pandar jien karei ye jeng lac sa bruk ngak kateik geik jien padai rilo. Kuhria meng thun bac ini, dom adei anek saih bangsa takik hu sahnang hatai nao bac tuk hu rilo sarak bahrau hu ba tabiak. Minh Triều, urang pambuak bruk hu kadha ndom mayai ka bruk ini di tinh Khanh Hoa

CHAM.VOV.VN: Bhum palei dalam Ban raya Ho Chi Minh bahrau daok dak harei dak hu salih mbaok meta meng japan buh jien tame tani tanat sang danaok jalan mbak hatang ilamo ky thuat. Dom bhum palei bhum atah bayah urak ini hu dak harei dak patagok kinh te, paglaong raidiuk rahra, abih di nyu dalam nan lac hu brei ka mikva urang bangsa takik. Kadha di urang ngak bruk di Rayo Sap ndom Viet Nam.

CHAM.VOV.VN: Di dalam kreih bhum taneh ceik glai Tay Nguyen, labik sap angin yuk angaok apuh, sap ia craoh nduac roh raih trun takai ceik, hu sa sap yava biak bangi pang, nyuel njac siam mekre – nan hu lac yava sap ndil tut, sa ragam ragu bhap bini bingi hatai di urang Randaiy. Sap yava di ndil tut oh lac sa janih sap ragam ragu, blaoh daok lac sap yava di dalam hatian, lac sa kadha ilamo hu khik ramik saong daok medeih. Urang ngak bruk di Rayo Sap ndom Viet Nam hu kadha: Ndil tut – yau panuac hatian meng ribau thun dahlau di urang Randaiy. Da-a mikva saong taong abih gauk tui pang.