Tuk vak tapa, Chi cục pala drak song khik caga phun pala hu peih bruk dong brei mã số bhum pala ka dom kaya nong di tỉnh Ninh Thuận, tapa nan, khik kajap bruk hacih saat pandap mbang, piah peih prong drak pasa pablei pandap. Urang pambuak bruk Minh Triều daok di Ninh Thuận hu kadha vak ndom ka bruk Ninh Thuận brei mã số bhum pala ba kaya nong pablei tabiak negar langiu.

Bình Dương lac sa dalam dom labik dui pachreih hu rilo urang ngak meng dom tỉnh mai daok, mai ngak bruk, kayua yau nan ye, bruk caong hu sang daok jeng tagok tui. Piah ka urang ngak hu tani tanat labik daok, sahanang hatai ngak bruk, Bình Dương daok dui pachreih dom doanh nghiệp sang danaok taneh riya buh jien tame padang ngak sang daok xã hội yaom lap ka urang ngak. Ini jeng lac sa dalam dom jalan ngak piah khik takai urang ngak daok veik, dalam tuk bruk meriak gauk duah urang ngak, tuk dom tỉnh, ban daok patagok bruk ngak kong. Urang vak Thiên Lý, lac urang vak di rayo sap ndom VN daok di ban raya HCM hu kadha vak ka bruk ini, da-a mikva saong taong abih gauk tui pang.

1 thun dahlau, ban raya HCM brei peih pabah mbang veik hadei di sa tukvak pacang veik kayua jit praong COVID-19. Dang anak dom kan kandah kayua jit praong COVID-19 ba mai, gam haong dom jalan ngak praong piah pasiam veik hadei di jit praong, patagok ilamu meng kan sami samar hadah krah, kham merat yam tapa kan kandah, hu bruk ba tangin tame di bhap bini saong doanh nghiệp, TP.HCM daok siam veik khang kadang. Hà Khánh, urang vak di rayo sap ndom VN daok di ban raya HCM hu kadha vak taong yaom veik 1 thun hadei di jit praong COVID-19 di ban raya HCM:

Bilan padai Đông Xuân 2022-2023, bhum taneran kraong CL meda brei trun pajaih meng bilan 10 tal bilan 12 haong janih pajaih lac padai pahe, chất lượng glaong, diuk hu dalam pandiak bhang saong takik harei, njauk pajaih piah pabak ka bruk blei mbang dalam taneh ia saong pablei tabiak negar langiu. Min dom tỉnh, ban dalam bhum brei ngak hagait piah ka bilan padai ini mek hu rilo padai brah anak bruk oh lagaih di langik tasik? Kadha vak “Plaih pandiak bhang, ia njaom mbak, bhum taneran kraong CL pilih ruah tanut salamat dalam bruk ngak padai Đông Xuân” di urang vak Phạm Hải, daok di bhum taneran kraong CL. Da-a mikva saong taong abih gauk tui pang.

Ndem tal ragam tamia bhap bini Cam oh var hu ragam Tamia Biyen kadik atau tamia Merak. Ragam tamia Biyen kadik hu maong lac biak hu yaom glaong dalam gilang ilamu tamia bhap bini Cam

Dom thun tapa, patagok bruk "Umo thun glaong, kreih camin hadah", urang praong thun dalam bhap bini Cam di tỉnh Bình Thuận tuk halei jeng ba akaok nao dahlau, hu mbaok tame dom bruk di puk palei. Meng angan je, meng ilamu di drei, dom ong muk taha hu mbaok tame langyah dom bruk kandah gauk, ba brei njauk gauk, padang puk palei bac megru, baoh sang pachreih bac, padang ngak palei pala bahrau...dalam bhap bini. Di tuk pahadar Harei Dunya Urang praong thun (01/10), Jasi – urang vak di rayo sap ndom VN daok di ban raya HCM hu kadha vak : Patagok bruk “Umo glaong, camin hadah” dalam bhap bini urang Cam Binh Thuan”:

Tapa bruk Bhap bini dom bangsa takik daong prein nao bac, tukvak tapa, mikva dom bangsa takik di xã Bảo Quang (ban Long Khánh- Đồng Nai) hu jak ba prein khang bhap bini piah daong ka anek bhik urang bangsa takik gaok kan kandah hu jien nao bac. Kadha vak “daong anek bhik bhap bini nao bac” di Văn Truyên di mangaok mbao Đồng Nai, daa mikva saong taong abih gauk tui pang.

Piah mayaih khan du lịch Ninh Thuận tal rahra ban ine, jeng yau rahra dalam taneh ia drei, meng harei paguh 30/9 tal harei 02/10, Ninh Thuận hu peih Harei Ilamo - Du lịch saong Nyaom biai jhul samar, mayaih khan du lịch Ninh Thuận di Hà Nội. Dalam rilo bruk ngak di gah langiu harei patom ini, hu mayaih khan, parang iek ilamo ngak lan am di Palei hamu Traok saong manyim khan bai Cakleng. Kadha vak di Minh Triều, urang pambuak bruk haong danak dak daok di Ninh Thuận

Dalam “danak pato pakai phổ thông 2018” TPHCM peih ngak hu 3 thun. Sa dalam dom bruk brei hu tuk peih ngak danak dak lac bac 2 jala sa harei , abih di nyu nan lac haong pakat tiểu học. Yau nan min, urak ini ban raya jeng daok kurang sang bac, kurang tal bac, kurang gru pato saong kurang pandap panda pato bac. Vũ Hường, urang vak di rayo sap ndom VN daok di ban raya HCM hu kadha vak ndem ka bruk ini:

Gam haong bruk pataom tame patruh eik patrun kathaot, pasiam raidiuk bhap bini bangsa, tỉnh Trà Vinh daok biak sangka tal bruk khik ramik, patagok ilamo di bangsa Khmer. Abih di nyu nan lac dom adat cambat meng kan di urang Khmer yau ye Chôl chnăm thmây, Ok om bok, Sen Đôn ta…, karja, kapul nyaom dom pakat tuk halei jeng ba mbuan lagaih di abih ka mikva bangsa Khmer hu mbaok tame, peih ngak ginup asal kadha. Kadha vak “Trà Vinh: daong palagaih piah cak rok patagok dom yaom glaong ilamo meng kan di bangsa Khmer” di Thạch Sa Oanh, urang vak di rayo sap ndom VN daok di bhum taneran kraong CL. Daa mikva saong taong abih gauk tui pang.