Tal urak ini hu 3 dalam 4 xã hu rilo bhap bini Cam, lac Phan Thanh, Phan Hiệp, Phan Hoà, huyện Bắc Bình, tỉnh Bình Thuận ngak salah blaoh palei bahrau tukvak masa 2016-2020. Dalam jalan padang ngak palei pala bahrau hu yaom glaong, dom xã nan hu sangka tal bruk peih ngak rilo jalan ngak paglaong ka dom asal kadha di ilamo, padang ngak raidiuk ilamo cơ sở, rik tame bruk khik ramik saong paglaong dom yaom glaong ilamo meng kan di urang Cam. Dalam nan, njauk ndem di abih lac bruk raidiuk siam makre, ilamo dalam bruk tok diuk tok pasang, bruk padang ngak ndam metai lahik, peih ngak tui adat di dom palei Cam Jasi – urang vak di rayo sap ndem VN daok di ban raya HCM hu kadha vak ndem ka bruk ini:

Mai veik dom xã hu rilo urang bangsa Chăm di tỉnh Bình Thuận hadei di 30 thun padang veik tỉnh (1992 - 2022), kol dahlak biak caik hatai anak dom salih bahrau di dom palei Chăm song jalan palei, puk paga hadah hadai, cơ sở hạ tầng hu padang ngak siam mekre … Jien duah hu di urang Chăm dak harei dak tagok, sang kan kathaot trun biak rilo, mbaok meta palei pala bhum Chăm dak harei dak hadah hadai. Kadha vak: Pren diukrai bahrau di bhum urang bangsa Chăm daok di Bình Thuận” di Đoàn Sĩ, urang vak di rayo sap ndom VN dok di ban raya .HCM.

Tuk vak ni, đảng bộ, karja song bhap bini 6 xã di tỉnh Bình Phước dok dalam bui sambai tuk hu UBND tỉnh brei panuac lac mek hu tanut chuẩn palei pala bahrau paglong thun 2021. Ni lac bruk kham merat biak prong di karja song bhap bini, kayua dom puk palei peih ngak dalam tuk kan kandah trak damak di jit prong Covid-19 , min taong abih jeng bruk mek hu tanut njauk tuk vak. Daa mik va song tong abih gauk pang kadha vak: “Njauk haong angan xã palei pala bahrau paglong di” di Vũ Thuyên di mangaok mbao Bình Phước.

Ruak pandiak tabiak darah (SXH) daok rah tabiak sraw kadau di rilo tỉnh, ban bhum taneran kraong Cuu Long, abih di nyu nan lac di rilo labik urang umo praong ruak tagok glong jang uranaih. Anak bruk ini, dom tỉnh, ban dalam bhum daok peih ngak rilo jalan pacang caga jit ruak pandiak tabiak darah. Nyaom urang vak di Rayo sap ndem VN hu kadha vak brei thau ka ruak SXH di bbum taneran kraong Cuu Long daok rah tabiak sraw kadau:

Piah ba mbuan lagaih saong trun takik glaih glar ka bhap bini dalam bruk ngak dom harak gal, giao dich dân sự, khik kajap kein laba njauk tui hukum di bhap bini hadei di tuk klak sổ hộ khẩu di puac thun ini, Mentri Công an birau hu tacei pato jalan piah ka mikva tame duah thau khaw tin di drei. Kadha “Hukum Negar saong raidiuk” adit ini khol dahlak likau khan 7 jalan tame duah thau khaw tin di bhap bini salih ka sổ hộ khẩu:

Dom labik pato bruk ngak di Long An hu rilo bruk ngak rik daong paglong jalan sahaneng di anek saih saong amaik ame di anek saih ka bruk pato megru bruk ngak, meng nan pachreih anek saih tame bac bruk ngak. Nguyễn Quang urang vak di rayo sap ndom VN daok di Ban raya HCM hu kadha vak: Long An parabha anek saih, yam tal bruk caga dahlau urang ngak bruk.

Lac sa tỉnh hu rilo kein lagaih meng tasik, tỉnh Bình Thuận ba tabiak bruk lac tal thun 2030 hu bruk kinh tế khang gah tasik dalam bhum Duyên hải Nam Trung Bộ, pamong tal cak rok patagok kinh tế tasik khang kajap, abih gah pambuak saong quốc phòng, an ninh khang kajap. Piah ngak hu bruk nan, Bình Thuận palih ruah njauk bruk praong, ba tabiak rilo jalan ngak lagaih, siam. Kadha vak “Daong urang taong ikan patagok bruk ngak mbang tasik, ilamu meng Bình Thuận” di Hoàng Xuân hu ba tagok mbao Quân đội nhân dân, da-a mikva saong grauk ayut tui pang:

Bắc Bình lac sa huyen hu rilo mikva bangsa Cam di abih dalam tỉnh Bình Thuận. Di ini, dom yaom glaong ilamo meng kan di urang Cam daok khik yau daok tamo. Dom janih kadha adaoh di bhap bini, ragam, alak ragu di dom rai dahlau hu urang Cam pato caik brei ka rai hadei, khik ramik saong brei patagok. Patui di ini, daa mikva saong taong abih gauk gam pang trích đoạn ma-in ragam ragu ngan haong kadha “Âm vang ngày hội” hu nghệ nhân ưu tú Lâm Tấn Bình dak padang

Bruk ba menuac suan hukum tapa negar Campuchia ngak bruk jeng daok rah tabiak srau kadau. Bruk ngak suan adat hukum ini ba tal rilo kanjah jhak yau ye pachot, kateik greik urang piah blah mek jien ndo, taong paoh, jhak tal prein yava urang ngak… saong daok ngak kan kandah ka gah chức năng dalam bruk khik ramik urang ngak tame tabiak negar, khik kajap siam mekre, sron mbon bhum taphia negar gah Tây Nam. Kadha vak "Jalan ngak halei piah pacang bruk tapa negar ngak bruk suan hukum?" di kapul urang vak di rayo sap ndom VN daok di ban raya HCM hu daong ka mikva mboh cambaih jang ka bruk ini.

Bhum taneran kraong Cửu Long lac bhum pala, ngak baoh kayau praong di taneh ia. Piah paglaong năng suất, chất lượng baoh kayau daong ka po bein saong hu rilo kein laba jang, trun takik phun jien, paglaong bruk meriak gauk ye bruk pandar jamriak dalam pala, ngak baoh kayau lac bruk njauk ngak saong daok hu ngak. Kadha vak di urang vak Nhật Trường daok di bhum taneran kraong CL: "Pandar jamriak piah ka bhum taneran kraong CL ngak baoh kayau tui jalan ngak pandap pablei tapa negar langiu".