VOV4.Êđê - Knơ̆ng prăk đru ba bruă yang ƀuôn mrâo brei thâo, hlue ngă klei đru mơ̆ng ênoh 26 êbâo êklai prăk mơ̆ng knŭk kna, hlăm anăn hjăn knơ̆ng prăk đru ba bruă yang ƀuôn klam đru bi liê truh 7 êbâo 500 êklai prăk, truh ti wưng anei, knơ̆ng prăk mâo tŭ mă leh hră mơar čiăng bi leh klei đru truh kơ 13 anôk bruă duh mkra hlăm čar Bắc Giang čiăng mâo čan 44 êklai prăk pioh tla prăk mlan kơ 13 êbâo čô mnuih ngă bruă. Hlăm ênoh anei, knơ̆ng prăk đru ba bruă yang ƀuôn čar Bắc Giang bi klă hră mơar 4 anôk duh mkra, mâo čan truh 21 êklai prăk pioh tla prăk mlan kơ mlan 7 hŏng êbeh 6 êbâo čô mnuih ngă bruă. hlăm hrue mbrue (28/7) lŏ mâo 10 alŭ wăl bi klă hră mơar brei čan mơ̆ng 39 anôk bruă duh mkra mâo ba yua mnuih ngă bruă, hŏng ênoh prăk jih jang srăng brei čan jing 43 êbâo êklai prăk. Êngao kơ klei brei čan prăk pioh tla prăk mlan kơ mnuih ngă bruă, mdei hĕ bruă kyua tuôm hŏng klei ruă tưp covid 19, anôk duh mkra lŏ dưi čan pioh krŭ wĭt bruă knuă duh mkra mnia mblei./.

Y Khem pô mblang