VOV4.Êđê -  Hruê 18-5, Knơ̆ng bruă mdrao mgŭn Lâm Đồng brei thâo, klei tŭ ksiêm mkă tal 2 hŏng 122 čô djŏ tuôm kơ mnuih ruă 3141 amâo djŏ ôh klei ruă Covid-19. Êlâo kơ bi mklă djŏ klei ruă Covid-19, mnuih ruă 3141 mơ̆ng Bắc Ninh nao ti Đà Lạt hiu čhưn ênguê mơ̆ng hruê 2-5 truh 5-5 leh anăn hiu dlăng lu anôk.

Čar Lâm Đồng ba nao êpul djŏ tuôm pral hiu duah 776 čô djŏ tuôm (hlăm anăn mâo 237 čô jing F1 leh anăn 539 čô jing F2), ngă dŭm hdră bi ktlah hjăn čiăng gang mkhư̆ klei ruă Covid-19. Ară anei dŭm anôk bruă djŏ tuôm čar Lâm Đồng bi ktlah hjăn 380 čô djŏ tuôm kơ mnuih ruă 3141. Hlăm ênoh anăn, mâo 5 čô bi ktlah ti anôk bruă mdrao mgŭn, 233 čô bi ktlah sa anôk, 42 čô bi ktlah ti sang. Ară anei dŭm êpul bruă djŏ mtuôm ăt dôk ngă dŭm hdră gang mkhư̆ klei ruă tưp.

H Zawut pô mblang