VOV4.Êđê- Adiê hjan prŏng mâo hlăm dŭm hruê êgao ngă leh lu krĭng wăl hlăm čar Lâm Đồng êngăp hlăm êa. Ti să Hiệp An, kdriêk Đức Trọng, adiê hjan mâo sui, hnơ̆ng êa mơ̆ng akŏ êa đoh hruê ngă kơ dŭm alŭ Định An, K’Rèn, K’Long lehanăn Tân An êngăp hlăm êa. Kyua hnơ̆ng êa đĭ mơ̆ng 1 – 1,5met kyua anăn lu ênhă mnơ̆ng pla mơ̆ng mnuih ƀuôn sang ti krĭng anei êngăp hlăm êa. Amâo djŏ ti să Hiệp An, adiê hjan prŏng hlăm ênhă prŏng ngă kơ hnơ̆ng êa Cam Ly đĭ lehanăn ngă êngăp êa ti să Hiệp Thạnh, kdriêk Đức Trọng lehanăn dŭm anôk ti kdriêk Lâm Hà.

Ti anăp klei mâo dleh dưi ksiêm dlăng mơ̆ng yan adiê, Adŭ bruă gĭt gai mơ̆ng gưl dlông kơ hdră mdrơ̆ng hŏng klei yan adiê ngă mâo leh hră m’ar ba m’ĭt kơ Anôk bruă gĭt gai hdră mdrơ̆ng hŏng klei yan adiê ngă lehanăn tui duah mnuih mâo klei truh čar Lâm Đồng kơ bruă mdrơ̆ng mjêč hŏng klei klei êa lip lêč ti krĭng êa krông Cam Ly; pŏk hdră mbĕ mơ̆ng anôk êngăp êa, krĭng huĭ hyưt truh kơ anôk êđăp ênang, /.

Pô mblang: H’Nêč Êñuôl