VOV4.Êđê- Aguah mbrue (26/8), ti Hà Nội mkŏ mjing leh klei bi kƀĭn tal sa Êpul khua kiă kriê mkŏ mjing hdră êlan “ksiêm wĭt 15 thŭn hlue nga hdră mtrŭn Gưl dlông 5, gưl 10, kơ klei lŏ dơ̆ng mlih mrâo hdră Đảng kiă kriê hŏng jih jang bruă kđi čar” ba mdah ti anôk bi kƀĭn Gưl dlông 6, gưl 13. Khua Dhar bruă mkŏ mjing gưl dlông aduôn trương Thị Mai kiă krie eklei bi kƀĭn. Ñu mtă kơ puhng khua hlăm êpul mâo klei bi mguôp hŏng Anôk bruă kiă kriê bi tĭn gmkă, hrŏng ruah mta kñăm. Mơ̆ng anăn, jih jang bruă čuăn năng bi klin hlăm jih jang bruă prŏng, bruă êlam đăm lĕ hlăm klei mđĭ mđăl, lehanăn mtă kơ dŭm gưl bruă Đảng mâo klei hâo mdah kơ bruă truăn. Hdră êlan kñăm dưi bi leh hlăm mlan 9/2022. Mâo klei mtă, liăp sa thŭn hlue ngă, siămdah đơ knua bruă čiăng ngă jing prŏng, snăn puhng khua êmua hlăm Êpul kiă kriê lŏ dơ̆ng bi ksiêm duah čiăng mâo klei blŭ đru bi mkŏ mjing hdră hâo mdah, kơ dŭm bruă truăn djŏ tui si bruă klam, bruă kčah jao mơ̆ng dŭm gưl bruă Đảng, êpul bruă Đảng puhng khua kiă kriê anăn ngă bruă./.

Pô mblang: Y-Khem Niê