VOV4.Êđê -  Klei bi kƀĭn “Klei blŭ hrăm mđĭ kyar alŭ wăl thŭn 2021” mâo Sang hră ksiêm hriăm bruă kđi čar ala čar mkŏ mjing hlăm aguah anei, hruê 13/7. Ti anôk bi trông, phung bi ala trông čhai leh kơ dŭm klei mĭn mrâo lehanăn hdră msir đru kơ alŭ wăl anei mđĭ kyar bruă duh mkra – ala ƀuôn. Anôk mkŏ mjing phŭn mơ̆ng Klei bi trông anei jing ti Hà Nội lehanăn dưi mđung hưn mthâo kơ dŭm čar, ƀuôn prŏng hlăm Gưl dlông. Klei blŭ hrăm mđĭ kyar alŭ wăl thŭn 2021 mâo anăn “Hluê ngă mta kñăm mđĭ kyar hlăm boh klei mrâo” srăng bi trông kơ dŭm klei găl mđĭ kyar mơ̆ng alŭ wăl, mđing kơ dŭm klei mĭn mrâo kñăm mkra mđĭ boh tŭ kriê dlăng bruă hluê ngă hdră mtrŭn hlăm wăl anôk mrô ênuk mrâo lehanăn ba yua klei găl mđĭ kyar mtah čiăng hgao klei ruă Covid 19, mjing boh kdrŭt mđĭ kyar. Klei bi kƀĭn srăng mâo 2 gưl bi trông kơ bruă hluê ngă mta kñăm mđĭ kyar hlăm boh klei mrâo lehanăn dŭm klei găl mđĭ kyar mtah čiăng hgao klei ruă Covid 19./.

H Nêč pô mblang