VOV4.Êđê- Aguah anei 27-5, Dhar bruă Quốc hội gưl XIV srăng mkŏ mjing Klei bi kƀĭn tal 56. Mta phŭn yuôm bhăn hĭn hlăm klei bi kƀĭn anei, anăn jing Êpul hgŭm ruah khua ala čar hưn mdah kơ klei tŭ ruah khua bi ala Quốc hội gưl XV leh anăn bi ala HĐND dŭm gưl wưng thŭn 2021-2026. Hlăm boh klei ruă tưp Covid-19, klei ruah khua phung bi ala Quốc hội gưl XV leh anăn phung bi ala HĐND dŭm gưl wưng thŭn 2021-2026 mkŏ mjing leh tŭ jing hŏng ênoh phung bi ala kơ mnuih ƀuôn sang nao mplĕ hră lu. Êbeh 66 êklăk čô bi ala kluôm ala nao mplĕ hră, mâo êbeh 95 % hlăm ăñ mâo giăm 32 êbâo êpul ruah khua mâo 100% phung bi ala nao mplĕ hră. Ăt hlăm klei bi kƀĭn anei, phung bi ala brei klei blŭ mguôp kơ klei hưn dah bi liê prăk knŭk kna thŭn 2019, klei hâo hưn prăk knŭk kna thŭn 2019 leh anăn brei klei blŭ mguôp mơ̆ng Knŭk kna kơ bruă mkiêt mkriêm, bi kdơ̆ng luič liê mang thŭn 2020.

Pô mblang: H’Zawut Ƀuôn Yă