VOV4.Êđê - Klei hâo hưn aguah hruê 24/5 mơ̆ng Phŭn bruă mdrao mgŭn brei thâo, lŏ mâo 58 čô mâo klei ruă Covid 19, hlăm anăn mâo 2 čô mrâo mŭt hlăm ala čar dưi ba bi ktlah mtam; 56 čô ruă adôk mâo čih yap hlăm ala čar ti 6 čar, ƀuôn prŏng, knŏng ti Bắc Giang mâo 33 čô. 2 čô dưi bi ktlah mtam leh mŭt ti Hà Nội jing mnuih hriê mơ̆ng Ấn Độ, mâo sa čô mniê 35 thŭn lehanăn sa čô hđeh mniê 3 thŭn. Hlăm 56 čô ruă hlăm ala čar, čar Bắc Giang mâo 33 čô, Hà Nội 8 čô, Bắc Ninh 7 čô, Lạng Sơn 5 čô, Điện Biên 2 čô lehanăn Hải Dương 1 čô. Tĭng truh 6h hruê 24/5, Việt Nam mâo jih jang 3.790 čô ruă hlăm ala čar lehanăn 1.485 čô ruă mrâo mŭt hlăm ala čar. Mâo leh 6 čar êgao leh 14 hruê amâo mâo mnuih ruă mrâo, mâo: Yên Bái, Quảng Ngãi, Đồng Nai, Nghệ An, Quảng Ninh, Quảng Nam. Truh ară anei, ala čar drei mâo leh 42 čô djiê kyua klei ruă Covid 19; 2.721 čô ruă dưi mdrao hlao./.

H Nêč pô mblang