VOV4.Êđê - Hlăm klei bi kƀĭn pŏk ngă bruă knuă hlăm dŭm mlan knhal jih thŭn mkŏ mjing aguah 30-6 ti Hà Nội, K’iăng Khua Phŭn bruă lŏ hma leh anăn mđĭ kyar bruă lŏ hma Phùng Đức Tiến mñă, lŏ bi mlih bruă lŏ hma jing bruă klam čiăng mđĭ kyar mơ̆ng dhar bruă leh anăn hluê ngă hdră kñăm mdua hluê si klei Khua knŭk kna gĭt gai hlăm boh klei ruă tưp Covid-19 bi mklă lŏ dleh ktuê dlăng. 6 mlan êgao, dŭm hnơ̆ng kčah bruă lŏ hma dưi mâo djăp leh anăn êbeh hnơ̆ng kčah: Hnơ̆ng đĭ kyar mâo 3,83%; đĭ êbeh 3,71% kơ ênoh yuôm, prăk ba čhĭ kơ ala tač êngao mnơ̆ng dhơ̆ng lŏ hma kan hdang đĭ 28,3% hŏng 24 êklai 2 êtuh 30 êklăk prăk, bruă lŏ hma năng jing kmeh gơ̆ng mơ̆ng bruă duh mkra, boh nik hlăm mmông tuôm hŏng klei dleh dlan kyua hmaĭ mơ̆ng klei ruă Covid-19. Klei tŭ 6 mlan êgao mơ̆ng bruă lŏ hma jing klei ngă bruă tuh êyuh mơ̆ng jih bruă kđi čar, klei đru mguôp mơ̆ng dŭm alŭ wăl, anôk bruă duh mkra mnia blei leh anăn ƀĭng ngă lŏ hma, mơ̆ng năn grăp knhuang mkŏ mjing leh anăn mjing wăl ngă bruă lŏ hma.

H Zawut  pô mblang