VOV4.Êđê- Aguah 20-8, ti Wăl bi hdơr kơ Khua gĭt gai Tôn Đức Thắng, să Mỹ Hoà Hưng, ƀuôn prŏng Long Xuyên, čar An Giang, bruă Đảng čar, Êpul gơ̆ng kơ mnuih ƀuôn sang, Knơ̆ng bruă sang čư̆ êa, Knơ̆ng bruă mặt trận čar An Giang mkŏ mjing klei myơr brui mngưi, mnga ƀri bi hdơr 133 thŭn Hruê kkiêng kơ Khua gĭt gai Tôn Đức Thắng 20-8.

Knăm bi hdơr 133 thŭn hruê kkiêng kơ Khua gĭt gai Tôn Đức Thắng thŭn anei mkŏ mjing hlăm boh klei kluôm ala čar, hlăm anăn čar An giang dôk gĭt ktưn gang mkhư̆ klei ruă Covid-19, anăn klei bhiăn dưi mkŏ mjing khuăt ƀiădah kdrưh kơăm, phung bi ala nao hlăm knăm ngă jăk bruă gang mkhư̆ klei ruă tưp. Ktưn hưn kơ bruă knuă leh anăn knhuah krŭ kdơ̆ng mngač mơ̆ng Khua gĭt gai Tôn Đức Thắng, bruă Đảng leh anăn mnuih ƀuôn sang An Giang ƀuăn jih ai tiê bi hgŭm, gĭr tui hriăm, mă bruă, mđĭ klei čŏng ngă, mđĭ lar ai tiê pral kdal, mbruă, ba yua klei găl, klei mâo, ba yua jing mmông găl leh anăn dŭm klei găl mkŏ mjing čar An Giang amâo mdei đĭ kyar, năng jing ƀuôn sang Khua gĭt gai Tôn Đức Thắng.

Pô mblang: H’Zawut Ƀuôn Yă