VOV4.Êđê- Tlam 28-5, K’iăng Khua knŭk kna Vũ Đức Đam, Khua Anôk bruă gĭt gai gang mkhư̆ klei ruă Covid-19 bi kƀĭn trực tuyến, hmư̆ klei hưn mdah boh klei gang mkhư̆ klei ruă  ti čar Bắc Ninh, Bắc Giang. Hluê si klei hưn mdah, čar Bắc Giang pŏk ngă leh klei ksiêm mkă ti lu anôk hŏng dŭm krĭng ka mâo klei ruă tưp, dŭm kdriêk ka bi ktlah yang ƀuôn, mđĭ ktang ktuê dlăng phung mâo klei bi knăl mtŭk, êngoh hlơr. Ti Bắc Ninh, leh ƀuh phung djŏ klei ruă ti wăl tuh tia mkra mjing Khắc Niệm, čar Bắc Ninh hlăk pŏk ngă bi jăk dŭm hdră msir, hlăm anăn mđĭ pral bruă mă mta ksiêm mkă ti dŭm krĭng wăl, hŏng êbeh 30 êbâo mta dưi mă. Ti anôk bi kƀĭn, K’iăng Khua knŭk kna Vũ Đức Đam mtă kơ čar Bắc Ninh, Bắc Giang lŏ dơ̆ng kƀĭn ksiêm mkă ti lu anôk čiăng ktuê dlăng boh klei ruă tưp, răng kriê klei êđăp ênang kơ dŭm wăl tuh tia mkra mjing.

Pô mblang: H’Zawut Ƀuôn Yă