VOV4.Êđê - Aguah 10-6, Êpul grup Phongsubthavy mơ̆ng Lao nao ti Anôk bruă bi ala Việt Nam ti Lao mđup brei mnơ̆ng bi hmô kơ dŭm kdrăp mnơ̆ng leh anăn ênoh prăk 1 êklăk USD đru Việt Nam leh anăn mnuih ƀuôn sang Việt Nam mdrơ̆ng hŏng klei ruă COVID-19.  Bi ala kơ Knŭk kna leh anăn mnuih ƀuôn sang Việt Nam, Khua bi ala Việt Nam ti Lào Nguyễn Bá Hùng mă leh mnơ̆ng yuôm bhăn anei mơ̆ng Êpul grup Phongsubthavy, kyua Phongsavanh Senaphuan- Khua êpul grup mđup brei.

Mâo lu kdrăp mnơ̆ng mâo ênph 500.000 USD msĕ si 50 êbâo blah čhiăm guôm ƀô̆, 25 êbâo giêt êa drao mdjiê kman, 1000 blah čhum ao răng mgang asei mlei, 100 jhưng đih mdrao… mbĭt hŏng 500.000 USD prăk đru kơ Keh Vaccin kyua Khua Knŭk kna Phạm Minh Chính pŏk ngă. Khua bi ala Nguyễn Bá Hùng lač, klei đru anei jing klei bi knăl mơ̆ng klei bi hgŭm prŏng, klei bi hgŭm yuôm bhăn, bi hgŭm kluôm ênŭm plah wah dua ala čar Việt Nam-Lao.

H Zawut pô mblang